ياسمين عز: هفكركوا وأنا قاعدة على نفس الكرسي ده بعد 10 سنين إن الجيبة الجينز هترجع موضة تاني
تحدثت الإعلامية ياسمين عز، خلال أحدث حلقات برنامجها “كلام الناس” الذي يعرض عبر قناة “MBC مصر” عن عودة موضة الجيبات الجينز.
حيث قالت: “جيبنالكوا الجيبات الجينز وهنعمل عليها مسابقة.. بصي بقى دول جداد.. من مصر لسه نازلين من السوق لا من 2005 ولا من 2018 اللي فرعونك أحمد سابك فيها وجاية تطلعيه فيا يا شيماء”.
وأضافت: “بصي.. ده أول موديل نزل شايفاه الجيبة الجينز أم زراير من قدام.. طبعًا انتي فاكراها وأنا فاكراها وشيماء فاكراها وكله فاكرها أهي.. مالها يالا قوليلي دلوقتي وحشة في إيه أنا معايا 4 جيبات جينز هفرجكوا ع الموديلات هما 4 موديلات في السوق وهعمل عليهم سحب اللي هتتصل هتجاوب ع الأسئلة اللي هقولها هكسبها واحدة بالتيكت.. بالتيكت سيبتهولك عشان ما تقوليش إنها ملبوسة عشان تيجي واحدة تقولك ملبوسة اللهم أحفظنا.. مش ملبوسة استعيذي بالله.. محدش لبسها”.
وتابعت: “دي جيبة جينز بزراير من قدام طب تقدري تلبسي عليها إيه تقدري تلبسي عليها كل حاجة أبيض أسود أزرق أصفر كل الألوان ليه؟ لأن ده لون محايد.. دي أول واحدة زرايرها من قدام وسهلة تدخلي البيت حرانة تقومي فاتحة الزراير”.
وأكملت: “شوفتيها.. شوفتيها يا شيماء؟! 2023 وهفكركوا وأنا معاكوا العشر سنين الجايين 2033 وأنا قاعدة على نفس الكرسي ده في نفس الاستوديو ده وانتي ضيعتي فرعونك عشان ما بتسمعيش كلامي هفكرك ساعتها بعد 10 سنين إن دي هترجع موضة تاني”.
