ريم طارق بعد انفصالها عن حسن شاكوش: الموضوع أكبر من الخيانة.. بس إنسانيًا وأخلاقيًا ودينيًا أنا مش هقول

حلت ريم طارق، زوجة مؤدي المهرجانات حسن شاكوش، ضيفة على الإعلامية بسمة وهبة، في أحدث حلقات برنامج “90 دقيقة” الذي يعرض عبر قناة “المحور”.

وفي أول ظهور تليفزيوني لها بعد انفصالها عن زوجها، قالت ريم: “أنا اتحملت اللي محدش يتحمله.. من البداية ومن رابع يوم جواز وأنا بشوف كل يوم قصة وموضوع.. كفاية إن أنا كنت مهددة إن أنا أقعد في البيت أو إن أنا أخرج م البيت ما أعرفش أرجع”.

وأضافت: “كان فيه بينا خلافات زوجية بس مش زي أي اتنين متجوزين.. هو طيب وابن حلال وجدع وشهم هو ده اللي أنا شوفته فيه وعشان كده وافقت بس الصورة حاجة والحقيقة حاجة تانية.. الشخص اللي في البيت حاجة تانية خالص”.

وتابعت: “كل اللي هقوله لحضرتك إن أنا شوفت أبشع حاجات ممكن تتخيليها شوفت كل حاجة وحشة وحاجات أنا أو غيري مش هنقدر نتحملها بعيدًا عن الخيانة.. الموضوع مش موضوع خيانة الموضوع أكبر من كده بكتير.. بس إنسانيًا وأخلاقيًا ودينيًا أنا مش هقول”.

وأكملت: “أنا نفسي أقول أنا تعبانة ونفسي أقولك.. أنا نفسي أقول لكل الناس بس مش هقدر.. يمكن أنا لو قولت الناس تتعاطف معايا وتسقفلي بس هبقى فضحت بني آدم وأنا مش هقدر.. أنا مش هقدر أشيل الذنب ده مش هقدر.. يعني أنا نفسي أخرج م اللي أنا فيه وأحكي وأقول”.