شيرين بعد تعاونها مع منة شلبي بـ “تغيير جو”: «بتفكرني بالراحل أحمد زكي وبتلبس الدور زي الواحدة منا ما بتلبس الفستان»
كشفت الفنانة الجميلة شيرين، كواليس تعاونها مع الفنانة منة شلبي بمسلسل “تغيير جو”، والذي عُرض خلال الموسم الدرامي الرمضاني للعام الحالي 2023، وأشارت بأنها فنانة ذات قيمة وقوية وتُذكرها بالفنان الراحل أحمد زكي.
ودافعت الفنانة عن منة بسبب أزمتها الأخيرة، خلال تصريحاتها مع القاهرة 24، قائلة:ـ “احترامي الشديد لأي شخص، وحقيقي بحترم آراء الناس كلها.. بس ليه الناس بتنصب نفسها قاضي، وبجد حرام أحكم على شخص بالإعدام أو أقول ده هيدخل النار أو الجنة أو حتى أكفر حد، ودينا بيقول محدش يعمل كده ورأي القاضي إتقال خلاص، والمفروض إن كل الناس تاخد عبرة من اللي بيحصل ده، وأي شخص عاوز يقول حاجة ياريت تكون في حدود شأنه وبس”.
وواصلت شيرين:ـ “وياريت كل شخص فينا ياخد باله من اللي يخصه وبس، وكمان يبص على اللي حواليه بعين الرحمة.. أكيد هنبقى أحسن بكتير، وأحوالنا هتتغير للأفضل ومصر هتكون أعلى وفوق”.
وأما عن الفنانة منة شلبي بعد تعاونها معها، علقت:ـ “حقيقي بتفكرني بالراحل أحمد زكي، وكمان بتلبس الدور زي ما الواحدة منا بتلبس الفستان، ومش بتفكر تقلعه غير لما تخلص شغلها، وأنا دلوقتي حاسه إن منة زي بنتي وعلاقتي بيها مش ممكن تنقطع مهما حصل، واللي اتعمل كل اسبوع يوم الجمعة تمثل أي حاجة في الدنيا كلها”.
وتحدثت شيرين، عن رأيها في الاعمال الدرامية، والتي تتكون من 15 حلقة وقالت:ـ “مش مهم المسلسل يكون 30 حلقة أو حتى 10، وده المفروض يكون على حسب قماشة العمل، فعلى سبيل المثال مسلسل (سابع جار) كان 60 حلقة، وبالرغم من كده الناس حبته واتعلقت بيه، وضروري جداً إننا نشوف حدوتة العمل تشيل كام حلقة”.
