أثارت الفنانة وفاء عامر، الكثير من الجدل خلال الساعات القليلة الماضية، بعد أن كشفت كواليس من حياتها الشخصية وعلاقتها بزوجها، وأشارت بأنه من الصعب جداً أن ينظر الرجل المُتزوج منها لغيرها.
وأكدت الفنانة، خلال لقائها بالإعلاميتين “منى عبدالغني، وإيمان عز الدين”، ببرنامج “الستات ما يعرفوش يكدبوا”، والمذاع عبر شاشة “cbc”:ـ “لو الراجل اتجوز على مراته أو بص بره يبقى أكيد المشكلة عندها.. هو ليه يبص بره ناقصه إيه جوه؟، والراجل الي عنده أولاد كتير بيكونوا محتاجين حاجات كتيرة بتلاقيه شغال شغلتين مهما كان مستواه، وده يخلي الست المفروض تشتغل شغلانه ونص، وإن شالله تاكل معاه بره البيت فول وطعمية”.
وأما عن الغيرة، علقت وفاء:ـ “في الأول كنت بغير عليه أكتر وهو لأ.. مكنش بيغير عليا، وأنا كنت بغير عليه علشان لسانه كويس وبيحب يجامل، ولكن دلوقتي إتعودت على إن لسانه حلو مع كل الناس، ولو قال لواحدة حبيبتي مش معناها كده، وممكن أوي أغير وأنا ساكته بس أحب أشوف وأراقب لحد نهاية الحكاية، ولكن متعودتش أفتش في تليفونه”.
وواصلت:ـ “وهو في حد يتجوز وفاء عامر ويبص بره، وكتير من الأوقات جوزي بيقولي يلا يا صاحبي نروح نلعب طاولة وأنا بقوله وماله، واتعلمت حاجات كتيرة علشانه زي الدومينو والطاولة”.
وتابعت:ـ “وعلى فكرة الجواز والحب مش بحب فيهم الكبرياء، وده بمعنى إني سلمت إنك أقوى وأنا أضعف، وده علشان كل ما بضعف قدامك بكون الأقوى، وللأسف الشديد كتير من الستات مش بتحسس الراجل إنها محتاجة له والعكس، ولكن الصح إنه الوسط وهى الهانم اللي تعرف كل حاجة”.
