شرحت الإعلامية ياسمين عز، على الهواء مباشرة في حلقة أمس من برنامجها “كلام الناس” الذي يعرض عبر قناة “MBC مصر” أحدث طرق لف الطرحة والحجاب.
حيث قالت: “أول حاجة إحنا جبنالكوا البندانا والنوع ده بيتهيألي أحلى نوع.. إحنا MBC انتوا عارفين ما بنبخلش عليكوا بحاجة.. ده أحلى نوع.. مفتوح من ورا تقدري تتحكمي فيه ما يشد على راسك من قدام وأرجوكي أرجوكي يا مدام ما تجيبيش البندانا وتشديها عشان ما توجعكيش”.
وأضافت: “إحنا جيبنا بيضا وجيبنا سودا.. في دولابك لازم يكون عندك الاتنين دول مش مهم أي ألوان إن شالله تلبسيهم وتغسليهم 20 مرة.. هاتي م البيضا كذا واحدة والسودا كذا واحدة.. دول مهمين جدًا وزي ما قولتلك المفتوحة دي مريحة جدًا.. أول حاجة عندنا الأبيض والأسود”.
وتابعت: “انتوا عافين يا بنات أنا باجي البرنامج بحس إن أنا جاية بيتنا خلاص ما بقاش فيه حواجز ما بينا.. انتوا عارفين إحنا عشرة عمر.. العمر كله يارب أنا وانتوا لحد ما يبقى عندي 70 سنة كركوبة وأبقى معاكي كده قاعدة في قلبك وانتي في نن عين قلبي من جوه.. بصوا دي أصغر طرحة.. بيسموها الطرحة التركي.. ما أعرفش مين اللي بيسميها بس التراكوة بيلبسوها”.
وأردفت: “بصي بقى بصي يا مدام.. أهي.. أنا بشوفكوا بتشوفوا واحدة لابسة حاجة زي كده تفضلوا تكتبوا لها عملتيها إزاي وهي ما تردش عليكوا.. اعتمدت على إيه القماشة.. مع إن القماشة دي مزعجة حرير وبتزحلق.. عملت أي حاجة.. والله على الهوا لفيتها.. أنا وفي ناس زيي تحب الحتة اللي قدام.. حد يقولك موضة قديمة مالكيش دعوة مفيش حاجة اسمها موضة في الحجاب ولا موضة في اللبس.. في حاجة اسمها طرحة خدت شكل وشي.. انتي عايزة تطولي وشك تدوريه براحتك.. اللي يليق على وشك اعمليه”.
