قامت الفنانة الجميلة بوسي، بالتعبير عن حزنها الشديد بعدما وصفها الكثير بأنها تخلت عن والدها قبل موته، وأشارت المطربة بأن علاقتها بوالدها الراحل انقطعت منذ فترة.
وأكدت الفنانة، أثناء استضافتها ببرنامج “حبر سري”، والتي تقوم بتقديمة الإعلامية أسما ابراهيم، والذي يُذاع عبر فضائية “القاهرة والناس”،:ـ “أنا مش محتاجة أقول للناس إني كنت بساعد أبويا أو بسأل عنه أو بصرف عليه إزاي، والطبيعي إن تكون في خلافات بين الأب وبنته أو الأم وبنتها في بعض الأحيان، ومينفعش أبداً أستغله وأعمل شو لو جيبتله غسالة أو تلاجة”.
وأما عن أسباب خلافها مع والدها الراحل، أجابت:ـ “في وقت من الأوقات انقطعت علاقتنا ببعض بسبب أزمة مريت بيها في حياتي، وساعتها مفيش حد وقف جنبي وأولهم كانوا أهلي، ووقتها كانوا عاوزني أبعت فلوس لوالدي وأنا بمر بأزمة مالية ومكنتش قي القاهرة”.
وواصلت بوسي:ـ “وبعدها ناس كتير راحت لوالدي واستغلوه علشان يحاربوني، وأنا اتواصلت معاه وبعتله فلوس وكنت ناوية أزوره، ولكني علمت بوفاته بعدها بيومين، ولما أقاربي حاولوا يكلموني كنت مريضة وقافلة تليفوني”.
وأضافت:ـ “وطبعاً كان نفسي أكون جنبه وهو بيموت، وأكيد كان نفسي أعيش مع والدي ويكون موجود في حياتي، وأحس منه إنه ضهري وسندي في الحياة، وللأسف الشديد هو مكنش موجود في حياتي من الأول، ولكنه في النهاية والدي”.
وأما عن موقف الفنان سعد الصغير ومساعدته لوالدها قبل وفاته، علقت:ـ “شو، وده علشان إنت لو بتعمل خير مش محتاج أبداً تصوره.. انت بتعمل لله مش علشان التريند، وليه تدخل نفسك في أمر لا يخصك، ولكنه في النهاية خد عقابه من الجمهور”.
وأشارت بوسي، بأن تصرف سعد الصغير مع والدها تسبب في خلافات بينهما، حيث قالت:ـ “أنا قاطعته بعد ما اتدخل في موضوع والدي، وده علشان الأمر ميخصوش وميصحش يدخل فيه”، ونفت أيضاً خطبتها له عام 2015، وردت:ـ “في 2015 كنت على ذمة طليقي.. اتخطلب لـ سعد إزاي؟، ولا في 2016 أو بعد ما اتطلقت”.
