أحمد العوضي عن مصطلح السينما النظيفة: «مؤمن بيه وكلمة أحلى على الأحلى مش بتسيء للذوق العام»
كشف الفنان المعروف أحمد العوضي، رأيه في مصطلح السينما النظيفة، وأشار بأنه يؤمن بهذا المصطلح جيداً، مؤكداً على ضرورة تقديم أعمال سينمائية للجمهور غير خادشة للحياء أو الذوق العام.
وأكد الفنان، من خلال ندوتة في القاهرة 24:ـ “أنا أومن بـ مُصطلح اسمه السينما النظيفة، وده علشان أنا مش شايف مشكلة في تقديم فيلم من غير ما أخدش حياء المشاهد، ولكن في بعض الفنانين بيقولوا إن السينما سينما ومفيش حاجة اسمها سينما نظيفة، وأنا بقوله لو مش عاجبك الشغلانة دي سيبها، لأني مش هسيبها وهفضل مُقتنع بالفكرة دي”.
وتابع العوضي:ـ “ولو مفيش سينما نظيفة، أكيد مش هيكون في فرق بينها وبين سينما المنصات العالمية، واللي أكيد الكل عارف إنها بتشجع على حاجات صعب جداً أوافق إن أخويا الصغير أو ابني يشوفها”.
وواصل الفنان:ـ “وكمان المصطلح ده بيشمل موضوعات كتيرة ومختلفة، وده بيكون زي الدراما والأكشن والكوميديا، وإني أطلع أعمل أكشن وأضرب شخص زي اللي بيحصل في أغلب اعمالي.. ده سليم ومفهوش حاجة غلط، علشان مش بيسيء للذوق العام في حاجة”.
وأنهي العوضي حديثه:ـ “وطبعاً الجمهور بيشوف الناس في الشارع وهى بتضرب بعضها، والأكشن موجود من ساعة ما اخترعوا حاجة اسمها السينما، وأنا لما بقول أحلى على الأحلى مش بسيء للذوق العام أبداً”.
وجديراً بالذكر، بأن الفنان أحمد العوضي شارك في السباق الرمضانى الماضي، بمسلسل “ضرب نار”، وحقق الفنان الكثير من النجاح من خلال العمل، وشاركه البطولة كلاً من “ياسمين عبدالعزيز، وانتصار، وإيمان السيد، وماجد المصري، وسهير المرشدي”، وغيرهم الكثير من نجوم الفن، والعمل من تأليف ناصر عبدالرحمن ومن إخراج مصطفى فكري.
