كشفت الفنانة رانيا يوسف، كواليس طلاقها من زوجها الأسبق المنتج الشهير محمد مختار، وعن الأيام الصعبة التي عاشتها في بعض مراحل حياتها.
حيث قالت رانيا، في تصريحات تليفزيونية: “فيه ليالي كانت مش لطيفة بس دي مش كتير الحمد لله يمكن أنا برضه شخصية متفائلة طول الوقت فلو حد آذاني تاني اليوم الصبح كإن مفيش أي حاجة”.
وأضافت: “الليلة اللي قررت فيها اللي أنا أتطلق من محمد مختار لا يمكن أنساها.. لإن فيه عشرة وفيه 12 سنة جواز وفيه أطفال فيه عشرة طيبة فيه حب فيه تفاهم فيه حاجات كتير بس أنا ما كنتش مرتاحة في الوقت ده”.
وعن أسباب الوصول إلى الطلاق، قالت الفنانة رانيا يوسف: “محدش فينا بيقدم جديد للتاني أو مفيش حد فينا عايز يتنازل عن متطلباته في الحياة للتاني”.
وعن أصعب الليالي التي عاشتها بعيدًا عن ليلة طلاقها: “برضه ليلة ما اتحط في عربيتي مخدرات ونزلت الصبح لقيت البوليس عند العربية.. ده كان من زوجي التاني.. الليلة دي كانت غريبة كان أول مرة أدخل قسم ونيابة ومش فاهمة إيه اللي بيحصل بس أنا كنت عارفة إيه الحكاية”.
وأضافت: “أول مرة أتحط في موقف زي ده لو كنت سوقت العربية خمس دقايق كنت لبست 25 سنة ظلم”.
وتابعت: “أكتر ليلة بيضا في حياتي ليلة ولادة ياسمين بنتي الكبيرة.. وبرضه يوم ما اتجوزت أنا ومحمد ليلة سعيدة جدًا ويوم ما اتجوزت أنا وطارق”.
