تحدثت الإعلامية ياسمين عز، في حلقة أمس السبت من برنامجها “كلام الناس” الذي يعرض عبر قناة “MBC مصر” عن الزواج في منزل الحموات.
حيث قالت: “مع الأزمة الاقتصادية اللي بيعاني منها العالم مش إحنا بس.. وارتفاع أسعار الشقق والفرش والدهب والأجهزة الكهربائية وعادتنا الجميلة اللي هنا ظهرت دعوات من جديد بتطالب بإعادة إحياء فكرة الجواز في بيت العيلة مرة تانية”.
وأضافت: “والحقيقة أنا من أنصار الفكرة دي وشايفة إنها من أحسن الحلول.. بل تكاد أن تكون أحسن حل لأزمة الجواز وأزمة الشقق الفترة دي.. وشايفة كمان إنها تحد وتقلل من نسب الطلاق.. مش عارفة ليه حاساكي مزمزقة وأنا بتكلم.. لسه حاساكي مش لادد عليكي الموضوع.. ومش عاجبك الموضوع.. مش هضغط عليكي بس خليني أقولك مزايا الجواز في بيت العيلة وفي النهاية هتكتشفي بنفسك إن اللي ما اتجوزتش في بيت حماتها الفرح والهنا فاتها.. واللي ما اتجوزتش في بيت عيلة جوزها هتفضل طول عمرها لاوية بوزها”.
وتابعت: “مبدئيًا كده يا مدام جوزك مش هيحس معاكي بالغربة.. الراجل قاعد في البيت اللي اتولد وكبر واتربى فيه.. فرهبة إنه يكون معاكي في بيت جديد لوحدكوا مش هتبقى موجودة.. انتي لما بتغيري المخدة اللي انتي متعودة تنامي عليها بيجيلك أرق.. ما بتعرفيش تنامي بالليل فمبالك بجوزك الطول والبهاء والدهاء والذكاء يغير البيت اللي عاش فيه طول حياته ويسكن لوحده معاكي.. فكرتي فيها.. وبعدين دلوقتي لما يكون فيه أي مشروع بيتفتح جديد الشركة بتقولك إيه.. بتقولك والله إحنا لازم نتعاقد مع بيت من بيوت الخبرة.. عايزين بيت خبرة يفيدنا عشان نعمل المشروع ده.. فمبالك لما تكوني عايشة في بيت الخبرة نفسه.. البيت اللي فيه الأب والأم اللي ربوا جوزك فرعونك حبيب قلبك اللي سيبتي رجالة الدنيا كلها واختارتيه هو عشان تكملي حياتك معاه”.
منك لله وتتجوزي فب بيت عيلتهوابقي فرجينا.