كشف الفنان أحمد العوضي، كواليس علاقته بالراحل نور الشريف بعد تعاونه معه بمسلسل “الدالي”، والذى يُعد أول اعمال العوضي الدرامية، حيث قال:ـ “كان الأب الروحي ليا”، وتحدث أيضاً عن علاقته بزوجته الفنانة ياسمين عبدالعزيز، وسر استمرار العلاقة الزوجية بينهما.
وأكد الفنان، أثناء استضافته ببرنامج “صاحبة السعادة”، والتي تقوم بتقديمة الإعلامية والفنانة إسعاد يونس، والذى يُذاع عبر قناة “dmc”:ـ “الراحل نور الشريف هو اللي اكتشفني، وهو الأب الروحي ليا قبل ما يكون استاذي”.
وواصل العوضي:ـ “كان بيعاملني زي ابنه، وكان دايماً يقولي يجب عليك توسيع المدارك الثقافية في كل شئ، وده علشان لما حد يسألك في أي حاجة تعرف تجاوب، وكمان علشان تعرف تتكلم في كل حاجة، وهو شاف فيا النجم والفنان الموهوب”.
وأما عن ما حدث بينه وبين الراحل نور الشريف علق:ـ “كانوا بيعرضوا عليا ادوار تعبانة، وهو قالي إنت تشتغل وكل فنان له وقته، ولازم تكون جاهز لأن الفرصة بتيجي مرة واحدة وممكن تعدي عليك ومترجعش، وحقيقي أنا من النوعية اللي بتسمع الكلام وبتحب تنفذ نصائح الآخرين”.
وأما عن علاقته بـ ياسمين عبدالعزيز، علق:ـ “أي اتنين متجوزين مفيش بينهم كرامة، وأي زواج أو علاقة ناجحة بتعتمد على السرية بين الزوجين، وممكن تحصل مشكلة إنت تقول لحد وهى كمان تقول، وساعة ما يجي وقت الصلح بتكون خايف على منظرك قدام الشخص اللي حكيت له”.
وأما عن كيفية التغلب على المشاكل واستمرار الحياة الزوجية، قال:ـ “الموضوع كله مش سيطرة وفرض رأي، والمشكلة المفروض تبدأ بينك وبينها وتنتهي بينك وبينها، والموضوع سهل جداً بس الناس هى اللي بتصعب الأمور، وده علشان مفيش كرامة بين الزوجين، والكرامة لما بتدخل بيكون في اطراف أُخرى”.
