كشفت الإعلامية ياسمين عز، كواليس ظهورها في برنامج “رامز نيفر إند” الذي قدمه النجم رامز جلال، في رمضان الماضي.
حيث قالت ياسمين، خلال حلقة اليوم الخميس، من برنامجها “كلام الناس” الذي يعرض عبر قناة “MBC مصر”: “طبعًا كلكم شوفتوني في رمضان مع رامز جلال.. هذا الفرعون الملعون المنشق عن القبيلة وكانت حلقة للتاريخ.. يا جماعة أنا اتفرجت معاكم وشوفت نفسي وأنا داخلة.. كاريزما قاتلة.. كاريزما قاتلة.. أنا مش معقولة كاريزما طاغية.. مش معقول الكاريزما يا جماعة.. اللي عنده كاريزما أحسن من اللي عنده فلوس”.
وأضافت: “يا جماعة أنا اترش في وشي طفاية حريق.. وفضل وشي بدر بيلمع من البريق.. سبحانك يا ربي ما اتغيرتش.. فيه ناس كاريزما وناس مفيش.. شوفت أنا تعليقاتكم وشوفت كلامكم عن الحلقة.. متوقع وده العادي.. سألتوني وعلقتوا لي ع المراية والله ثم والله إن المراية كانت في جيبي اليمين والروج الأحمر كان في جيبي الشمال وقع مني من فوق ورامز جابهولي في الآخر بره التصوير متمنتجة مش موجودة.. ولو كان عندي جيبين ورا في اللبس اللي أنا كنت لابساه والله كنت حطيت في الجيب اللي ورا اليمين فرشاة البلاشر وفي الجيب اللي ورا الشمال البلاشر بونبون يا مدام اللي انتي بتحبيه واللي أنا مميزة بيه واللي انتي بتسأليني عليه بس ما كانش عندي جيوب للأسف.. لو كان عندي كنت حطيتها”.
وتابعت: “أنا لو أطول ألبس تاج كده.. أه والله.. أروح البرنامج بتاج كده.. ليه عشان أنا برنسيس.. ليه أنا برنسيس عشان بحترم الفرعون الصغير الكبير.. بحترم الرجل.. طيب مين يقدر يديكي اللقب ده؟ الفرعون فقط.. ما ينفعش واحدة صاحبتك تيجي تقولك انتي برنسيس ما تمشيش.. لازم هو اللي يطلقه عليكي.. لما نسمع كلام الراجل الفرعون ونكون مؤدبين يحصل إيه تدخلي الجنة وتبقي برنسيس وبعد شوية تكبري في العمر وتبقي كوين”.
سبحان الله انه لا بحب كل مختال فخور