خرجت الفنانة حورية فرغلي، عن صمتها لترد على إعلان الإعلامي العراقي نزار الفارس، خطبتهما.
حيث قالت حورية، أن جميع الصور والفيديوهات المنتشرة لهم كانت بعد تصوير حلقة برنامجه “تابوو” الذي يعرض عبر قناة “دجلة” الفضائية، وهي الحلقة التي تم تصويرها أول أمس الأحد داخل منزل الفنانة الشهيرة.
وقالت حورية، في تصريحات تليفزيونية أمس الاثنين، عن نزار الفارس: “أنا أول مرة أشوفه امبارح لما كنا بنصور الحلقة.. وبعدين هو في حد بيتجوز حد أول ما يشوفه؟”.
وأضافت: “ده واحد كان بيجي بلدنا يعمل لقاءات مع الفنانين عشان يبقى تريند بيها.. والمرة دي برضه عايز يبقى تريند وبيقول خبر من ورايا”.
وتابعت: “إزاي يقول كده؟!.. ده أنا معرفش حتى رقم تليفونه.. ده عايز يعمل بروباجندا وممكن أرفع عليه قضية والعمارة كلها شاهدة.. أنا واحدة من ضحاياه حسبي الله ونعمل الوكيل”.
وأردفت: “أنا مش هشتمك لإنك راجل محترم.. بس مش من حقك تجيب خبر شخصي عني وتقوله من غير ما تاخد مني الكلام ده.. أنا ممكن أرفع عليك قضية رد شرف”.
وأستطردت: “إفرض إن أنا متجوزة في السر مثلًا.. أنا لا مرتبطة ولا مخطوبة ولا فيه حد في حياتي.. وأكيد يوم ما أتجوز الناس كلها هتعرف لإني هبقى فخورة بالشخص اللي اختارته”.
واستكملت: “الصور والفيديوهات اللي نشرها كانت بعد ما خلصنا اللقاء.. وأنا عليا نياتي خالص ومكنتش عارفة إني بتصور وأنا برقص على أغنية ماجد المهندس”.
واختتمت حديثها قائلة: “مش ندمانة إني عملت اللقاء معاه.. لإني لو مكنتش عملته مكنتش هعرف إن فيه ناس ممكن تعمل اللي هو عمله ده.. وده درس اتعلمته من امبارح”.
