كشفت الفنانة والراقصة الاستعراضية لوسي، عن الطريقة التي تتعامل بها مع ابنها وتتبعها في تربيته.
حيث قالت لوسي، في تصريحات صحفية على هامش ندوة تكريمها من أحد المواقع الإخبارية: “أنا وسلطان الكاشف جوزي ربينا ابننا ع الصراحة وعدم الكدب”.
وأضافت: “عودناه دايمًا على كده من معاملتنا معاه من وهو طفل.. عشان من شب على شيء شاب عليه.. يعني لو وعدناه بحاجة وحصل ظرف معين ومعرفناش ننفذ الوعد ده بنقنعه بالراحة وبنقوله إحنا مش هنعمل كده ليه”.
وتابعت: “لما طلب مني أجيب له كلب جبتله كلب بس عودته هو اللي يراعه وياخد باله منه ولما بيهمل فيه بقوله إني هاخده منه عشان أعوده على تحمل المسؤولية من صغره”.
وأردفت: “ابني متعود من وهو صغير إنه ما يقولش ألفاظ خارجة.. ومش بقول إن ست فاضلة بس ع الأٌقل أنا وجوزي حبينا نربي شاب لما يكبر ينفع أبوه وأمه وينفع المجتمع”.
الجدير بالذكر أن آخر أعمال الفنانة لوسي، مسلسل “المداح ج3” الذي عرض في السباق الرمضاني للعام الحالي، من بطولة النجوم: حمادة هلال، وهبة مجدي، ومحمد رياض، ورانيا فريد شوقي.
