وصفت المذيعة رضوى الشربيني تصريحات الإعلامية المصرية ياسمين عز صاحبة برنامج كلام الناس بكلمة “كلام عبيد”، حيث إن كلا منهما عكس الأخرى في تصريحاتها ودفاعها وبرنامجها الموجه للجمهور المصري.
ولكن لم تصمت ياسمين عز بعد تصريحات رضوى الشربيني، التي أثارت استفزازها، ونشرت استوريهات عبر صفحتها الرسمية على موقع التواصل الاجتماعي إنستجرام ومنشورات عبر الفيس بوك وقصدت بها تصريحات الشربيني ولكن لم تذكر اسمها.
وكتبت الإعلامية ياسمين عز: “ويحك يا دعسوقة.. كرامة إيه يا أم كرامة بلاستيك أطرافها مطاط، تمط وتنكمش حسب المصلحة والظروف المحيطة”.
مضيفة: “مدام بليز كرامتك وقعت منك آخر مرة هناك، ابعتي عبد مظلوم من عندك يجيبها قبل ما تسيح فالشمس، واحكيلنا بالمرة قواعد بيات المرأة الأربعين برة بيت الزوج من غير إذنه، سلينا كدة في الإجازة لأنك شطبتي محتوى وبقيتي مملة، حتى في تلقيحك مملة، زيرو محتوى زيرو أنوثة”.
وتابعت: “بس الأمانة استرجال ليڤل الوحش، ده أنا مش بس أدوس على الفساتين الماركات ده أنا أدوس على أي حد علشان خاطر الفرعون الصغير الكبير، بعمل ده في الحياة العادية وبقوله في العلن”.
وأكملت: “إنما بقى لما يكون في خرابة بيوت بتبوس الجزم في السر وتعمل فيلم مظلوم، وتطلع في العلن تحكيلنا مأساة المرأة الإغريقية، كده إنتي محتاجة علاج يا مدام، روحي اتعالجي يا مدام، في تشوهات نفسية وشياط وغيرة ويأس بدأ يتجلى ويتفشى ويترعرع في الأنحاء”.
مختتمة حديثها: “بلاش نشغل أسطوانة المرأة الحديدية، علشان المرأة نفسها لو عرفت إنتي إيه هيجيلها صدمة دماغية حضارية، جربي حطي اسمي تاني في تلميحات أو تلقيحات، علشان هنتفرج كلنا وقتها أنا هدوس على إيه تاني غير الماركات، وهو بالمرة نحكي الحكايات، ونسلي الناس في الإجازات”.
ومن الجدير بالذكر أن ياسمين عز تدافع في برنامجها كلام الناس المذاع عبر mbc، عن الرجال المصرية، بينما رضوى الشربيني تدافع عن السيدات دائماً لذلك يوجد بينهما خلاف دائم.
مين ياسمين عز دي عشان تتكلم ع رضوي الشربيني كده رضوي دي تبقي ستك وتاج راسك اساسا