قامت ريم زوجة المطرب الشعبى حسن شاكوش، بالرد على الانتقادات التى وجهت لها بسبب سجدتها الشهيرة أثناء حفل زفافها، والتى أثارت الكثير من الجدل على مواقع التواصل الاجتماعى خلال الفترة الماضية.
وأكدت ريم، أثناء استضافتها مع زوجها شاكوش ببرنامج “العرافة”، والتى تقوم بتقديمة الاعلامية بسمة وهبة، والذى يُذاع من خلال فضائية “النهار”، بأنها تعرضت للكثير من المحن قبل أن يتم خطبتها على المطرب حسن، ولهذا السبب داومت على قيام الليل.
وتابعت زوجة شاكوش:ـ “وبعدها إتفاجئت وأمى بتقولى إن حسن جاى يتقدم ليا، وساعتها قررت السجود شكراً لله مرتين بعد قيام الليل، وكان صعبان عليا أوى لإنى ملهية في الفرح ومكنتش بصلى، وبقالى اسبوعين قبل الفرح مكنتش بفكر في حاجة غير إنى أثبت للناس إن ربنا عوضنى، وإن مفيش حاجة اسمها تتظلمى وربنا مش هيعوضك”.
وأوضحت ريم، بأن كل تركيزها أثناء السجود ليلة الفرح كانت لله دون الاكتراث لاطلالتها، وعلقت قائلة:ـ “لو سجدت أمام حسن كنت هشيله ذنب كبير، ولكن مكنش في حد من أهلى ولا أهل حسن ولا أصدقائى عارف إيه اللى بينى وبين ربنا، وكان ضرورى أوضح للناس إن ربنا بيعوض وساعتها مكنتش قادرة أتنفس ومش مرتاحة ومكتش في تركيز غير إنى أعمل كده، وحتى صاحبتى قالتلى هتتبهدلى وأنا قولت مش مهم ومش هحضر الفرح غير كده”.
وواصلت:ـ “ساعتها مكنش مركزة مع حد وبعد ما قمت حسيت براحة نفسية وعرفت أخد نفسى، وبجد اللى مع ربنا ميشغلوش حد، وعلى فكرة أنا مش شيخة أنا بحب ربنا وبحب أقرب منه، وده حتى لو مش دايماً برجع له، وحقيقى مش هينفع أعمل بحاجة زى دى شو”.
وأنهت ريم حديثها وقالت:ـ “أنا مش جاهلة ومخى مش شغال علشان حسن يجى ويقولى إسجدى، وكده كده الفرح هيطلع تريند ده حسن شاكوش، والموضوع ده مكنش في دماغى من الأساس، وأنا معرفش يعنى إيه تريند”.
