ياسمين عز: الست ناقص تحط الضيوف في الفريزر عشان وقت ما تعزمهم تخرجهم يفكوا قبل الفطار أسهل

وجهت الإعلامية ياسمين عز، نصيحة للسيدات بعدم تخزين المأكولات في الفريزر استعدادًا لشهر رمضان، وذلك خلال حلقة أمس من برنامجها “كلام الناس” الذي يعرض عبر قناة “MBC مصر”.

حيث قالت: “في رمضان بقى عندنا عادة لازم نبطلها إن شاء الله مع بعض ألا وهي الفرزنة.. من المحيط ومن مصر للخليج.. يعني إيه فرزنة.. إنك يا مدام بتفرزني كل حاجة في الفريزر.. اختصارًا للوقت وللمجهود”.

وأضافت: “يعني إيه نفرزن؟ يعني نجهز كل حاجة ونحطها نجمدها في الفريزر أو الديب فريزر علشان تجهزيها أو تطلعيها تعمليها على طول.. فتتبلي بتاع 20 كيلو من البانيه وتحطيه في الفريزر.. تلف 500 واحدة سمبوسة وتحطها في الفريزر.. تعمل معجنات ومخبوزات ومثلثات ومربعات ومدورات وتحط في الفريزر ففاضل بس إن انتي تفرزني الضيوف اللي جاينلك وتحطيهم في الفريزر عشان وقت ما تعزميهم ع الفطار تخرجيهم م الفريزر يفكوا قبل الفطار.. أسهل صح جربيها.. راحة ما بعدها راحة.. يا سلام لو حطينا الضيوف في الفريزر”.

وتابعت: “إيه يا مدام.. إيه يا مدام.. قتلتي المتعة.. قتلتي متعة تحضير الفطار والدوشة والهيصة والحوسة.. حتى الحوسة بتاعت رمضان ما بقاش فيها بركة.. كفاية افترا وفرزنة والحط في الفريزر والديب فريزر كل يوم بيوم.. كل يوم بيوم بلاش خزين النملة ده محدش ضامن عمره”.