وجهت الإعلامية ياسمين عز، نصيحة للجميع بمراعاة الظروف الصعبة التي يمر بها العالم أجمع، والشعور بالفقراء والمساكين خلال شهر رمضان الذي يهل علينا بعد أيام قليلة، وذلك خلال حلقة أمس السبت من برنامجها “كلام الناس” الذي يعرض عبر قناة “MBC مصر”.
حيث قالت: “رمضان اسمه شهر الخير والكرم والرحمة الشهر اللي المفروض نحس فيه بكل اللي حوالينا خصوصًا إن العالم كله عنده ظروف مش علينا إحنا بس.. فعشان كده أرجوكي رجاءً خاص أعملي حسابك من أول يوم رمضان يكون فيه طبق زيادة لصاحب نصيبه من أول يوم وكل يوم الطبق ده يروح لصاحبه”.
وأضافت: “والله صاحب نصيبه ده يكون حارس العمارة.. حارس الأمن.. حد بيشتغل هنا.. حد قابلتيه صدفة.. حد بيساعدك في البيت.. راجل طيب غلبان معدي من قدام بيتكم.. عم محمد اللي في الفرن.. راجل على أول الشارع.. عم سمير القهوجي.. أم سيد بتاعت الخضار.. هو وصاحب نصيبه الأكل يكون من نفس الأكل اللي بتاكلوا منه.. مش أكل بايت ولا طبيخ موجود عندك في التلاجة عايزة تخلصي منه ولا بواقي عشان أنا عارفة البعض ممكن يعمل الحركات دي.. زي ما هتاكلي هما ياكلوا”.
