كشفت الفنانة رانيا يوسف، عن كواليس طلاقها من المنتج محمد مختار، حيث اتهمت النجمة الكبيرة نادية الجندي، بأنها كانت سبب الوقيعة بينهما.
حيث قالت رانيا، في تصريحات تليفزيونية: “كانت على طول بتهدي النفوس.. والحقيقة اللي أنا اكتشفته مؤخرًا إن التلاتة اللي ماسكين لها الصفحة الرئيسية بتاعتها هما نفس التلاتة اللي بينزلوا أخبار وحشة وأخباري الشخصية على الفيس بوك”.
وأضافت: “أنا ما اتجوزتش محمد مختار عشان ينتج لي.. أنا اتجوزته عشان عايزة أعمل بيت وعيلة وده قولته كتير على مدار الـ 12 سنة اللي اتجوزت فيهم محمد.. ده غير إني مش محتاجة محمد مختار عشان يعملي.. بيتهيألي أنا الممثلة الوحيدة اللي جوزها ما ساعدهاش بمكالمة تليفون يمكن مدام نادية كانت محتاجة حد يقف جنبها ويثبت موهبتها.. أنا الحمد لله مش محتاجة إن حد يثبت لي موهبتي أنا بثبتها مع نفسي والحمد لله إن ربنا مساعدني وبفضل ربنا وبموهبتي إن أنا محدش ساعدني”.
كانت الفنانة رانيا يوسف، قد انتهت مؤخرًا من تصوير فيلمها الجديد “ورد ريحان”، حيث نشرت صورة من كواليس العمل، عبر حسابها الرسمي على موقع التغريدات القصيرة “تويتر”، وعلقت عليها قائلة: “آخر يوم تصوير في فيلم ورد ريحان”.
وهو الفيلم الذي تدور أحداثه في إطار تشويقي، وتم تصوير عدد من مشاهده في العاصمة الإماراتية أبو ظبي، ومن المقرر أن يتم طرحه في السينمات خلال الفترة المقبلة.
فيلم “ورد ريحان” بطولة: رانيا يوسف، وأحمد الفيشاوي، ونانسي صلاح، وعمرو عبد العزيز، ونبيل عيسي، من تأليف وإخراج: محمد نبيل.
