نشرت الراقصة الاستعراضية شمس، الزوجة السابقة للمطرب الشعبي سعد الصغير، عبر حسابها على موقع التواصل الاجتماعي “فيس بوك” مقطع فيديو جديد له أثناء أداء مناسك العمرة، وعلقت عليه قائلة: “إثبات واعتراف من الكذاب السايكو إني مظلومة من سعد الصغير بتاع الآثار والسلاح وبإذن الله هاخد حقي في كل اللي قاله عليا يالا بينا بقي شير للدنيا كلها خلي الناس تعرف حقيقته”.. شاهد الفيديو هنا
وهو الفيديو الذي ظهر فيه سعد، وهو يدعو لها من أمام الكعبة المشرفة، حيث قال: “آلاء محمد مغربي (الاسم الحقيقي لشمس).. يا رب يفرجها عليكي بحق جاه النبي ويطلعك من الكرب اللي انتي فيه.. وتاخدي براءة عشان أنتي اتظلمتي وربنا عارف”.
كانت الراقصة شمس، قد اتهمت سعد الصغير، بالاعتداء عليها وإجبارها على إجهاض طفلها حيث قالت في مقطع فيديو أنه جاء إلى البلد التي تعيش فيها منذ أسبوعين، وطلب منها أن تذهب معه إلى السفارة لكي تعود إليه مرة أخرى.
وأضافت: “صورني وأنا نايمة جنبه ع السرير من غير هدوم ومش عارفة عايز مني إيه.. وقالي هعمل فيكي اللي أنا عايزه.. ولو عرفتي تعملي حاجة أولاني أعملي تاني”.
وتابعت: “لما كنت حامل منه قالي ما تنزليش الطفل وبعد كده غير رأيه.. مكانش فيه مشكلة ولا حاجة ومكنتش عايزة أخلف منه.. ولما بقيت في الشهر السابع أصر على إجهاضي”.
واستكملت: “جابلي بلطجية ودخل عليا البيت وفضل يكلم دكاترة والدكتور قال مش هينفع أعمل العملية لإن الجنين عمره 7 شهور.. راح قايله هتعملها يعني هتعملها”.
