تحدثت الإعلامية ياسمين عز، خلال حلقة أمس الجمعة من برنامجها “كلام الناس” الذي يعرض عبر قناة “MBC مصر” عن الصدقة وفوائدها في الأيام الصعبة التي نمر بها حاليًا.
حيث قالت: “قبل أي حاجة وكل حاجة عايزة أتكلم عن الصدقة.. طبعًا كلنا عارفين إن الصدقة ليها مفعول السحر زي ما بيقولوا.. فعايزة أقول حاجة في الأيام اللي إحنا عايشين فيها دي اعتبروه طلب اعتبروه تمني اعتبروه اللي بتحبوه.. كل الدنيا دلوقتي مش إحنا بس بنمر بظروف صعبة”.
وأضافت: “ومفيش حد عمومًا ما مرش بظروف صعبة كلنا باختلافنا.. زود على ده بقى إن إحنا في شتا وبرد قارس وانت قاعد بتطلب أي حاجة دليفري من مطعم من سوبر ماركت.. والحاجة دي جاتلك البيت انت العادي بتسيب كلفتة طيبة منك باقي الحساب بتكون حاجة بسيطة عادة كالمتعارف عليه أو باقي الفكة مثلًا ده المتعارف عليه”.
وتابعت: “أنا برجو من حضرتك.. إنك تعتبر اللي جاي يوصلك الطلب ده في عز البرد والشتا اللي إحنا فيه ده حد ربنا بعتهولك لحد باب بيتك عشان يقولك أنا أهو ربنا باعتلك حد تتصدق وانت في بيتك مفيش أحلى من كده.. فطلع له واديه.. انت مش بتديه هو أو غيره انت بتدي ربنا.. الصدق بتقع في ايد ربنا قبل العبد”.
