كشفت البلوجر سارة محمد، منذ ساعات قليلة في مقطع فيديو جديد نشرته عبر حسابها الرسمي على موقع التواصل الاجتماعي “فيس بوك” تفاصيل الحادث الذي تعرضت له على طريق مصر إسكندرية الصحراوي.
حيث قالت: “كنت مع خطيبي واليوم كان ماشي كويس.. روحت معاه محطة الرمل ووقفنا في كارفور شوية.. إحنا ساكنين في طريق القاهرة إسكندرية الصحراوي.. ناحية زاوية عبد القادر.. وفجأة وإحنا ماشيين كان في عربية بتنزنق علينا وبتحاول توقفنا”.
وأضافت: “أنا بصيت عليهم وقولت لخطيبي أوعى تقف لهم.. أجري.. ووإحنا ع الصحراوي العربية قربت مننا لقيت فيها ناس ماسكة سلاح.. ضربوا علينا نار فاتصابت في راسي وقولت لخطيبي أوعى تقف.. بعدها سمعت صوت صفارة في ودني.. ومن بعدها ما حسيتش بأي حاجة”
وتابعت أسرة البلوجر الشابة صاحبة الـ (21 سنة): “لما وصلت المستشفى دكتور المخ والأعصاب كان رافض دخولها للعمليات بسبب نزيف المخ.. وقالنا إن الحالة خطيرة جدًا ودخولها العمليات هيعرضها لخطر أكبر”.
واستكملت الأسرة: “الدكتور خلى والدها يمضي على إقرار بده.. بعدها الدكتور قال أنا دخلتها العمليات عامية وهتطلع عامية.. عين حصل لها تهتك في الشبكية والقرنية ومفيش فيها أي أمل.. والعين التانية فيها أمل بسيط.. ادعوا لها”.
وواصلت الأسرة: “سارة قلبها طيب.. ووقت الحادثة كانت شايلة قطة على رجليها.. ولما فاقت بدأت تسأل ع القطة.. وفضلت 3 أيام عندها نزيف وقيء مستمر.. حالتها النفسية صعبة جدًا عشان اتصابت بتشوهات في راسها ووشها”.
