وجهت الإعلامية ياسمين عز، خلال حلقة أمس الأحد من برنامجها “كلام الناس” الذي يعرض عبر قناة “MBC مصر” عدة نصائح للنساء.
حيث قالت: “لو انتي قاعدة جنب جوزك ما تتنفسيش وهو بيتنفس.. تاني لو انتي قاعدة جنب جوزك فرعونك ما تتنفسيش وهو بيتنفس.. عيب عيب يا مدام”.
وأضافت: “عيب تتنفسي وجوزك بيتنفس في نفس الوقت.. ننظم النفس وننظم الحركة مع بعض شهيق زفير.. هل معنى ده أو اللي أنا بقوله إن انتي دلوقتي تكتمي نفسك وتموتي مكتومة لأ خالص بعد الشر عليكي.. طب معناه إيه نفهم المعنى”.
وتابعت: “ما تبقيش متسرعة في الحكم يعني إيه وهو قاعد يتنفس انتي ما تتنفسيش.. قصدي إن وهو متعصب ومترفز وصوت نفسه عالي من العصبية بينهج وفي تنهيدة كده ما تتنفسيش انتي كمان وتنفخي وتتنفخي بصوت عالي جنبه.. لإن ده هيعمل إيه هتبقى انتوا الاتنين بتنفخوا فده هيزود شحنة السلبية وشحنة النكد وشحنة الكهربا ما بينكوا وهتقوم خناقة.. فانتي نظمي نفسك وهدي نفسك وسيبي جوزك يطلع كل تنهيده وبعدين هيهدى لوحده فنظمي نفسك يا مدام”.
