وجهت الإعلامية ياسمين عز، خلال حلقة أمس الأحد من برنامجها “كلام الناس” الذي يعرض عبر قناة “MBC مصر” عدة نصائح للنساء.
حيث قالت ياسمين، في الحلقة التي أثارت جدلًا واسعًا على السوشيال ميديا خلال الساعات القليلة الماضية: “ما ينفعش ومش من الذوق أبدًا لو انتي وجوزك قاعدين مع ناس وجوزك قال حاجة أو بيتكلم في موضوع مثلًا تروحي بقى إيه شبه القنفدة كده تطلعي وتتكلمي وتحسسيه إنه مش فاهم وانتي اللي فاهمة كل حاجة وفيلسوفة عصرك وزمانك وأوانك”.
وأضافت: “ياريت قبل الجواز انسفي الفيلسوفة السنتوفة اللي جواكي.. وتبعدي تمامًا عن التفلسف والتفزلك قدام جوزك.. وعلى جوزك قدام الناس.. عندك حلين يا هتسكتي وتحتفظي بالمعلومة العظيمة اللي لا هتجيب ولا هتودي لنفسك.. يا إما بقى لو هتموتي وتقوليها روحي قوليها في الحمام قبل ما تموتي قوليها لنفسك قدام المراية”.
وتابعت: “أهو منها تبقي فرغتي عن نفسك وقولتي المعلومة لنفسك قدام المراية.. ومنها هتبقي شوفتي الحباية اللي لسه طالعة لك في وشك في المراية وممكن هنا توفري التفلسف لعلاج الحباية اللي طلعت من عمايلك”.
