ياسمين عز: مفيش حاجة اسمها أشكر في حد وفرعوني قاعد منور الدنيا قدامي نعمة ربنا حلاوة شمسنا

قدمت الإعلامية ياسمين عز، مقدمة برنامج “كلام الناس” الذي يعرض عبر قناة “MBC مصر” عدة نصائح للنساء خلال حلقة أمس الأحد التي أثارت جدلًا واسعًا على مواقع التواصل الاجتماعي في الساعات القليلة الماضية.

حيث قالت: “مفيش حاجة اسمها أمدح في حد أو أي كائن وجوزي قاعد مفيش حاجة اسمها أشكر في حد وفرعوني قاعد منور الدنيا قدامي نعمة ربنا حلاوة شمسنا.. لا حد ولا حاجة لا إنسان ولا كائن بشري ولا جماد.. أي حاجة مذكر ممنوع تمدحيها قدام جوزك”.

وأضافت: “مثال.. دايمًا نحب ندعم كلامنا بالأمثلة الحقيقية الواقعية اللي عايشة معانا على أرض الواقع.. مثلًا عصير البرتقال واللي جوزك دافع حسابه من جيبه ده مذكر.. فيجي الجرسون يسألك عجبك يا مدام عصير البرتقال؟ انتي عينك فين عينك مش على الراجل اللي بياخد الطلبات عينك على جوزك خدتي السؤال سمعتيه بودنك بس ما بصيتيش باصة لجوزك هتردي بسرعة وتقولي حلو بس مش أحلى من جوزي”.

وتابعت: “وتردي وانتي باصة لجوزك مش باصة للراجل بتاع المطعم وهنا بطبقي قاعدتين الاتيكيت مع جوزك أول قاعدة ما بتبصيش للراجل وهو بيسألك ولا وانتي بتجاوبي انتي باصة في وش جوزك ما بتبصيش لحد غيره.. وتاني قاعدة أي حاجة بتاكليها بتشربيها مش أحلى من جوزك ليه؟ لإن جوزك مصنع الحلا والغلا أصل السكر برطمان العسل”.