وجهت الإعلامية ياسمين عز، خلال حلقة أمس الأحد من برنامجها “كلام الناس” الذي يعرض عبر قناة “MBC مصر” عدة نصائح للنساء.
حيث قالت: “لو انتوا قاعدين في مطعم أو في أوتيل وواخدك يأكلك أو يشربك ما ينفعش وهو قاعد جنبه تنسحبي من لسانك وتتجردي من شعورك وتتكلمي قبله مع الجرسون أو الويتر أو الراجل اللي بياخد الطلبات ده ما يصحش وعيب ومش اتيكيت إطلاقًا”.
وأضافت: “فانتي لو حابة تطلبي حاجة توجهي كلامك لجوزك وتقوليله من فضلك يا حبيبي يا فرعوني ممكن تطلب لي مثلًا بطة بالبرتقال وبلاش بطة وانتي معزومة بره بطة كاملة كتير.. ممكن تطلب لي نص بطة بالبرتقال وجنبها عصير برتقال عشان البيبي بيحب البرتقال”.
وتابعت: “فيقوم هو جوزك حبيبك يطلب من الراجل اللي بياخد الطلبات بصوته العليل الجميل من فضلك لو سمحت عايزين كذا وكذا وكذا بالبرتقال راجل لراجل لكن ما ينفعش تتكلمي أبدًا مع راجل غريب في حضوره والحتة دي بتضايق الرجالة جدًا.. انتي مالكيش دعوة باللي واقف اللي واقف ده تعتبريه هوا تمام؟ وطبعًا وانتي بتقولي عايزة كذا أو كذا انتي بتقولي أي كلام ولا البيبي طلب برتقال ولا طلب بطة ولا حكى ولا بكى ولا شكى انتي اللي بتشفطي على حس البيبي اللي في بطنك ألف هنا على قلبك مطرح ما يسري يمري ألف هنا على قلبك يا مدام”.
إحنا ارفنا منك خربتى بيوت الناس روحى منك لله يامؤرفه