كشفت الفنانة غادة إبراهيم، تفاصيل أدائها مناسك العمرة لأول مرة في حياتها، حيث قالت في تصريحات صحفية: “الحمد لله.. ربنا استجاب لدعائي ونولهالي”.
وأضافت: “أول مرة في حياتي أجي السعودية.. بجد راحة نفسية وإيمانية جميلة.. الناس جميلة ومبتسمين والروح حلوة.. الحمد لله ربنا حققلي حلم إني أعمل عمرة”.
وتابعت: “كل الناس بتعمل العمرة في ساعة أو ساعتين بالكتير.. أنا عملها في 5 ساعات عشان دي أول مرة.. بس محستش بتعب حاجة جميلة ربنا ينولها لكل مشتاق”.
واستكملت: “حبيت المكان جدًا.. ومش عايزة أمشي.. وربنا يكتب العمرة لكل اللي نفسه فيها وينولني الحج دي أول مرة ليا ومش آخر مرة إن شاء الله”.
واختتمت حديثها قائلة: “خدت العمرة الأولى في 5 ساعات عشان مكنتش عارفة المناسك والناس اللي معايا مش عارفين برضه.. لكن في العمرة التانية لوالدي رجلي كان خدت ع المكان وحفظته”.
يذكر أن آخر أعمال الفنانة غادة إبراهيم، مسلسل “الصفعة” الذي عرض في رمضان 2012، وهو مسلسل من ملفات المخابرات العامة المصرية، تدور أحداثه حول عملية وقعت في تل أبيب في الفترة من 1957 حتى 1972.
“الصفعة” بطولة: شريف منير، وهيثم أحمد زكي، وشيرين رضا، وهيدي كرم، وعزت أبو عوف، وسناء شافع، ورحمة حسن، وهناء الشوربجي، وغادة إبراهيم، وياسر على ماهر، وعبد الرحمن أبو زهرة، من تأليف: عادل شاهين، وأحمد عبد الفتاح، وإخراج: مجدي أبو عميرة.
