تقام فاعلية للفنانة هالة صدقي على هامش فعاليات مهرجان الأقصر للسينما الأفريقية في الدورة ال12، وتتحدث عن تغيير فكرة الفن والفنانات لدى والديها.
وقالت الفنانة هالة صدقي: “من صغري كنت بحب البالية بس سني منفعش وكان عندي هدف بحب التمثيل وعاوزه أمثل وجتلي الفرصة مع نور الدمرداش في ابنتي العزيزة لأني كنت بلعب سباحة وجالى دور واحدة بتلعب سباحة وكان في بلاتوهات جنب النادي والنور قطع وروحت هناك وقبلت أستاذ نور وعرفني وقالي بتلعبي سباحة قالي تاخدي الدور قلت له أهلي مش موافقين وبعدين بدأت وأقنعت أهلي أني هعمل الدور ده بس وأشوف تجربتي الأولى ونجحت.
مضيفة:” وأهلي كانوا شوية متحفظين لأن الفكرة اللي كانوا وخدينها من الإعلام عن الفنانات أنهم بيشربوا وعايشين حياتهم بالطول والعرض ولازم يبقوا مش كويسين وكانت الأفلام العربية القديمة وقليل من الإعلام كانوا بيدوا صورة وحشة عن الفنان وده كانوا خايفين شوية “.
