قامت الإعلامية ياسمين عز بالحديث من خلال برنامجها كلام الناس هذا الأسبوع، والذي يذاع على قناة إم بي سي مصر عن مزايا الرجل الدمياطي.
حيث قد صرحت ياسمين قائلة: الزوج الدمياطي رزق، والست اللي متجوزة دمياطي محظوظة، عشان ربنا رزقها بشخص مفيش في خفة دمه..زي السكرة، وبيكون عارف إزاي يخرجك في لحظة من مودك الوحش، وكمان مبيعرفش يلف ويدور وأكتر حاجة بيكرهها هي الكذب.
وأضافت ياسمين في تصريحاتها: الدمياطي لو غلط في يوم بتلاقيه معترف بغلطه، وبعدها بتلاقيه عمال يطيب خاطرك ويعتذرلك.
واستكملت حديثها فيما يخص مزايا الزوج الدمياطي قائلة: الزوج الدمياطي يتميز بحاجة مش موجودة في أي حد تاني، إنه دايمًا يكبر زوجته ويحسسها إنها سوبر مان ومهمة جدًا، وإنها تقدر تعمل حاجات محدش في الدنيا يقدر يعملها.
وتسببت تصريحات الإعلامية ياسمين عز عن وجود جدل كبير في دمياط، حيث ترى بعض السيدات بأن تصريحات ياسمين مبالغ فيها كثيرًا، بينما قام الرجال بتأييد تصريحاتها بشكل كبير.
