قامت الاعلامية الجميلة ياسمين عز، بتشجيع الفتيات على الزواج من الرجل الصعيدى، وعللت السبب في أنهم يشتهرون بصفات وسلوكيات حميدة، وأشارت إلى أن كلام الرجل الصعيدى عقد وإصبعه قلم.
وأكدت الاعلامية ياسمين، أثناء تقديمها لبرنامجها الشهير “كلام الناس”، والذى يُذاع من خلال فضائية “mbc مصر”، وقالت:ـ “إتجوزى من الراجل الصعيدى وإنتى مغمضة عينك، وكمان حطى في بطنك بطيختين صيفى، ولا يكون عندك أى شك إنك في حمى راجل بيحبك بجد، وكمان هيعرف يصونك ويخاف عليكى طول العمر”.
وتابعت الاعلامية:ـ “بجد الصعيدى يعنى الأخلاق الحميدة والأصل الطيب، والجدعنة والشهامة والحكمة والنخوة، وحقيقى كل الصفات اللى تقدرى تقوليها هتلاقيها موجودة في الراجل الصعيدى، وهو مش مجرد زوج وحبيب وبس.. ده أب وأخ وصديق وونس وسند في الحياة، وبتلاقى إخلاص نادر مش موجود وكاتم أسرار من الدرجة الأولى، وحرمة بيته عنده بالدنيا وما فيها”.
وأضافت ياسمين:ـ “الراجل الصعيدى كل اللى بيفكر فيه أخلاقك قبل كل شئ، ودمه حر أوى وعلشان كده بيغير عليكى، ولازم تتقبلى غيرته وتحسسيه إنه كل حاجة في حياتك وإنوا محورها”.
وتحدثت الاعلامية خلال اللقاء، عن الصورة النمطية السلبية التى تُظهرها الدراما المصرية عن الرجل الصعيدى، وعلقت قائلة:ـ “للأسف الشديد الدراما في مصر بتصور للمشاهد إن الراجل الصعيدى عصبى ومش بيعرف يتفاهم، وحقيقى ده مش موجود على أرض الواقع، وهتلاقيه في أغلب الأمور بيتشاور معاكى وياخد رأيك في معظم الأمور”.
