وجهت الإعلامية ياسمين عز نصيحة للزوجات بشأن كيفية تقديم الطعام للزوج، وذلك من خلال برنامجها “كلام الناس”، مؤكدة على أنه ينبغي على الزوجة قياس نسبة الجوع عند الزوج قبل القيام بتقديم له الطعام، حيث أنه لا ينبغي معاملة الزوج كالبطة.
وقد صرحت ياسمين عز من خلال برنامجها قائلة: يامدام ياريت لما جوزك يقولك أنا جعان، تقومي تقوليله هجيبلك تأكل، كده انتي مبتهتمش بجوزك خالص، جوزك مش بطة.
وأضافت: لازم تقيسي نسبة الجوع عند زوجك، وهي بتكون 3 درجات، لو نسبة الجوع عنده أقل من 50%، هتجيبيله كوباية شاي مع ساندويتش صغير عشان متسديش نفسه قبل الغدا.
واستكملت: أما لو نسبة الجوع 50% تحضريله تونة أو طبق سلطة، عشان معدته تكون مؤهلة للغدا، أما بقا لو أكتر من 50% فلازم تحضري لجوزك المحشي أو البطة بالبرتقان أو المكرونة والبانيه.
وقامت ياسمين عز بالتحذير من وصول نسبة الجوع عند الزوج إلى 90% قائلة: هنا إنتي كدا مجوعة جوزك ولازم نكلم باباكي عشان يشوف حل، أو إننا نعد ندعي إن ربنا يهديكي.
