تغزلت الإعلامية ياسمين عز، خلال حلقة أمس الجمعة من برنامجها “كلام الناس” الذي يعرض عبر قناة “MBC مصر” في الرجل الزملكاوي، قبل ساعات من مباراة القمة المقرر إقامتها مساء اليوم السبت.
حيث قالت: “جوزك الزملكاوي بقى بما إنهم أصحاب الأرض في الماتش الراجل الزملكاوي عمره ما يخونك.. عمره ما يخونك يا مدام لإن فيه وفاء وإخلاص مش هتلاقيه أبدًا مهما عملتي.. مهما عملتي يظل من الأوفياء وأقل كلمة تبسطه وتحسسه إنه شخص ملكي ومتميز ومختلف”.
وأضافت: “الزملكاوي رجل يعشق المتعة بصرف النظر عن النتيجة يعني يحب دايمًا يكون مبسوط مهما كانت أفعاله هتوصله فين في النهاية هو يحب يكون مبسوط مش مهم يكون ترتيبه كام في آخر الرحلة المهم إنه يكون انبسط خلال الرحلة نفسها.. الجماليات والشغل الحلو بيفرقه معاه أوي.. يعني ما يفرقش معاه لو هتطبخي أكله مفيهاش لحمة أو ناقصة ملح بس المهم يكون الطبق شكله حلو”.
وتابعت: “الراجل الزملكاوي بيعشق التفاصيل مهما كانت صغيرة وبيحولها لتفاصيل كبيرة ومهمة.. مش فارقة الناس تقول عليه إيه ومش فارق يقولوا عليه قطته جمل أو الحاجة الصغيرة بيكبرها المهم إنه قادر يحسس اللي حواليه إن قطته جمل فعلًا ودي مهارة ما تلاقيهاش في أي حد من مشجعين نادي تاني تلاقيها بس عند الزملكاوي.. يعني أنتي أقل تفصيلة هتغيريها في شكلك أو في شعرك أو في بيك هتلاقي جوزك الزملكاوي واخد باله منها ويفضل يكلمك عليها طول اليوم وطول الوقت”.
