واصلت الإعلامية ياسمين عز، حديثها عن علاقة الرجل والمرأة بعد الزواج، خلال حلقة أمس السبت، من برنامجها “كلام الناس” الذي يعرض عبر قناة “MBC مصر”.
حيث قالت: “لو خارجين ومعاكوا عيالكوا ربنا يحفظهم فده بقى كوم تاني خالص.. تخيلي كده لما تكوني أنثى ناضجة وكبيرة كده وبيزغلل عينيكي مليون حاجة مليون تفصيلة في نفس الوقت ما بالك بقى لو معاكي العيال والولاد واحد بقى هيشبط في أيس كريم والتاني يشبط في بالونة بالهليوم وواحد عايز سبايدر مان والقط الاسود والواد التالت يا عيني بيبي صغير لسه في عربية الأطفال كل ده ومطلوب من جوزك الفرعون الكبير اللي الله أعلم بقى عنده دوالي في رجله أو بيتعب من الوقفة ضهره واجعه شويتين لإنه يا عيني من الصبح للليل في الشغل المفروض كل ده يقف ويحقق رغباتك ورغباتكوا دي كلها وانتوا ماشيين في المول”.
وأضافت: “وفي نفس الوقت يقف قدام الحمام الحريمي عشان انتي داخلة جوه تغيري للبيبي عشان قولتلك قبل كده وانتي رايحة الحمام تعملي إيه فرعونك في إيدك عشان التجمعات ما تضمنيش ده مول بقى مفتوح.. بعد كده ياخد ولاده العيال يوسف ولوجي يروح يلحق بيهم ترابيزة بسرعة في الفود كورت لحد أما انتي تظبطيلي الطرحة أو تظبطيلي المكياج بتاعك وتروحيله بعد كده تقعدوا كلكم على الترابيزة اللي في الفود كورت”.
وتابعت: “يقوم بقى الراجل الغلبان بدور الجرسون ياخد أوردراتكم حضرتك عايزة إيه؟ عايزة كذا وكذا حاضر.. والولاد عايزين إيه؟ كل واحد عايز بقى حاجة فيروح يلف في كل مكان يجيب الأيس كريم لده وياسلام لو ناقصك كاتشب ولا وايبس المناديل المبللة هتبقي في نص الأكل والراجل اللقمة واقفة في زوره ومش عارف يبلعها من نظرتك ليه وتعمليله كده اللي هو لازم تقوم تجيبليه المناديل المبللة عشان تمسحي إيديك وتمسحي مناخير يوسف واللحوسة اللي في وش يوسف.. كل ده بعد ما تخلصي انتي وعيالك تقومي قايل له بقى إيه رح بقى احجز لنا سينما ولا احجزلنا كام لعبة كده في منطقة الألعاب العيال عايزين يلعبوا.. هيصة بقى يوم الإجازة ما بيرتاحش والله ما بيرتاح مفيش راحة أبدًا إجازة تعالى بقى أما نستنزفك”.
كلام هبل والله حسبى الله ونعم الوكيل في أمثالكم