ياسمين عز للفتيات: بتجيبي غسول لوشك وبرضه بتطلع الحباية.. وهو لو مسح وشه بفوطة المطبخ بيبقى زي المراية

واصلت الإعلامية ياسمين عز، التغزل في الرجل المصري خلال حلقة أمس الجمعة من برنامجها “كلام الناس” الذي يعرض عبر قناة “MBC مصر”.

وقالت ياسمين: “يا بنتي يا حبيبتي ده انتي بتجيبي بمئات الجنيهات غسول وكريم لوشك وبرضه بتطلع الحباية.. وهو بدر منور لو مسح وشه بفوطة المطبخ وشه بيبقى زي المراية بيلؤلؤ كده وبيبرق”.

وأضافت: “أخوكي الجميل الشاب العليل الجميل اللي بيلمع بينزل من العمارة الناس والبنات يقفوا يصطفوا صف كده يقولوا شوفتوا أخوها حلو إزاي؟ شوفتوا أخوها حلو وطعم إزاي؟ أخوكي وشه بينور مشرفك قدام العمارة قدام صحباتك البنات”.

وتابعت: “ادي أخوكي نص الدولاب يحط حاجته خليكي حقانية.. اديله درفة يا ستي بلاش الدولاب كله.. مش معقول ومش ممكن كم الهدوم اللي انتي مكربساها ومكدساها في الدولاب! وبعد كده ترجعي تقولي معنديش هدوم يا بابا معنديش ايشاربات يا بابا وادفع يا بابا وهات يا بابا.. علشان أسماء مكدسة هدومها تكديس وتحنيط ومستولية على شماعات البيت ورفوف الدولاب ومش بتدي أخوها شوية شماعات ورفوف وأدراج وبتاخد حقه ونصيبه وهو عايش”.