قامت الاعلامية الجميلة ياسمين عز، بتوجيه مجموعة من النصائح للزوجات، وأشارت إلى أنها ستقوم بعمل حلقة كاملة وخاصة عن الأزواج وكيفية التعامل معهم وتفخيمهم.
وأكدت الفنانة، أثناء تقديمها لبرنامج “كلام الناس”، والذى يُذاع من خلال فضائية “mbc مصر”، وقالت:ـ “ليه تنادى على جوزك من غير لقب..ده أنا هعملكم حلقة خاصة عن تفخيم الزوج، وياريت الواحدة منا تقول لجوزها يا أُستاذ محمد تحب تشرب إيه؟.. مفيش حاجة خالص اسمها يا محمااا”.
وتابعت:ـ “أُوعى ما تكمليش آخر حرف من اسم جوزك، وده علشان إنتى مش هتقبيلها على نفسك، ولو إنتى اسمك سماح تقبلى يقولك يا سمااا، وبجد قولى له يا أُستاذ علشان التفخيم ومحمد للتنعيم الشتوى، وبقول يا مش أيها وده علشان يا للقريب الحبيب”.
وأضافت ياسمين:ـ “بجد مفيش حاجة اسمها جوزك أُستاذ محمد بينزل السبت من البلكونة، وده علشان ضرورى نحافظ على تفخيمة، وأنا بعتذر ليكى إلغى السبت مش هينفع يقف في البلكونة.. ينزل السبت إنتى كده هتهزى كيانه”.
وقامت الاعلامية، بتوجيه رسالة للسيدات المُتزوجات من مهندسين قائلة:ـ “ضرورى لو جوزك شغال مهندس تحسسيه بالحنان والدفا، وده علشان حياته كلها دوائر ومستطيلات ومربعات، وبيبقى أغلب الوقت عاوز يرتاح، وياريت تبروزى اسمه بين قوسين، وقولى له بصوت حلو الباشمهندس وفخمى فيه أمام أصحابك، وقولى لصاحبتك أن تفتح ليكى البلكونة اللى في التجمع على النيل، وبقيت أشوف النيل من بلكونتى، وده عشان الراجل خارق ويقدر يعمل كل شئ”.
