تحدثت الإعلامية ياسمين عز، خلال حلقة أمس الأحد، من برنامجها “كلام الناس” الذي يعرض عبر قناة “MBC مصر” عن حالة لفتاة سلبية تدعى (تسنيم) تقضي أوقاتها أمام شاشة الموبايل، وتعترض على الطعام الذي تحضره والدتها لوالدها.
وقالت ياسمين: “مش عايزين ننسى تسنيم.. تسنيم بقى طول الوقت صامت ع السايلنت ما بتعملش حاجة ما شاء الله عليها غير إنها بتتنقل وتتحرك وتتمشى بين الأبليكيشينز التطبيقات.. من التيك توك للانستجرام.. من انستجرام لسناب شات.. من سناب شات ترجع للفيس بوك”.
وأضافت: “ما تسمعش صوتها خالص نسمة.. تسمع صوتها في حالة واحدة بس وهي بتسأل ماماتها عاملة لنا إيه ع الغدا النهارده يا ماما؟ ويبقى يوم مش فات لو مامتها قالت لها لوبيا.. ييه.. ليه يا ماما؟ ليه لوبيا يا ماما؟ تقولها يا حبيبتي عشان أبوكي بيحبها يا تسنيم تقولها بقى إيه وأنا مالي ببابا”.
وتابعت: “وأنا مالي ببابا؟ وأنا مالي ببابا يا بنت؟! أبوكي يا بنت الفرعون الكبير البيت ده كله مفتوح بحسه.. بيدفع فلوس المدرسة وفلوس الدروس الخصوصية وفلوس الهدوم اللي انتي لابساها وفلوس الحاجات اللي بتشتريها والحاجات اللي على الأون لاين كل حاجة والانترنت اللي انتي قاعدة عليه ده هو اللي دافع اشتراكه مش قادرة تستحملي يوم ياكل فيه لوبيا! نفسه يا ستي هفته عليها استحملي”.
واستكملت: “ما تقوليش لماما ييه أبدًا ما تقوليش للنعم ييه وبعدين ماما لما بتعمل حاجة لجوزها بتكون عارفة إنه بابا محتاج ده دلوقتي هو نفسه في ده مينفعش إحنا مش هنقعد نلخبطها بقى نقعد نقولها ارضي هنا وارضي هنا.. نفسك في إيه عارفة نفسه في إيه بتعمله اللي هو عايزه.. عايزة ترضي بابا عشان البيت يبقى فيه سكن وهدوء.. يبقى داخل عليها كده دخلته على أمك بالدنيا.. دخلته عليكي بالدنيا يقولك كتاف الراجل بالدنيا”.
