حلت النجمة رانيا يوسف، ضيفة على الإعلامية ياسمين عز، في حلقة أمس السبت من برنامجها “كلام الناس” الذي يعرض عبر قناة “MBC مصر”.
وتحدثت رانيا، خلال الحلقة عن علاقاتها الزوجية السابقة حيث قالت: “دايمًا أي علاقة بتبتدي في الأول بتبتدي حلوة أوي.. أول 3 شهور بتبتدي يا سلام ملايكة بنرفرف بجناحات كلنا.. بعد 3 شهور وبعد ما بتتعودي عليه وتتعودي إنه موجود في حياتك وإن في سيستم إحنا خلاص بنرتبط عشان خلاص هنتجوز أول ما بتيجي سيرة الجواز أو أول ما بيحس إن إحنا خلاص هنكتب الورقة دي في وحش بيتحول”.
وأضافت: “أنا صوتي واطي في العادي وما بحبش الصوت العالي وبتوتر جدًا لما حد يزعق جنبي.. وبحب الدنيا تبقى هادية حتى لما يبقى فيه اختلاف إحنا ممكن نختلف بشكل لطيف وهادي وقول كل اللي انت عايزه وأنا هقول حتى لو بنتخانق مش لازم تبقى الجيران بتسمعنا”.
وتابعت: “الطرف الآخر بيفتكر إن الصوت الواطي والأدب وإن أنا ست متربية وأنا ست عندي حدود في تعاملي مع البشر أو معاه بيفتكر إن ده ضعف مني وبيتفاجئ سوري يعني بلطشة ألم على وشه إنه هنطلق ودلوقتي.. هي ما بتبقاش فجأة هي ببقى عديت مرة والتانية ونبهته التالتة وخلي بالك كده أوفر وكده مش هينفع أنا مش برتاح كده أو أنا متضايقة من انت عملت واحد اتنين تلاتة بمنتهى الأدب بيفتكر إن انتي مؤدبة انتي بتقولي أه هتعدي.. عدت مرة والتانية هتعدي على طول بقى دي ست مؤدبة ومتربية وصوتها واطي.. فبيكتشف بيصحى الصبح هنتطلق ودلوقتي حالًا وبعملها فعلًا”.
