ياسمين عز للنساء: خلي جوزك يطلع أمير ويرجع وزير.. ولو قالك بلاش تكلمي فلانة تقوليله علم وينفذ بانتباه
أثارت الإعلامية ياسمين عز، ضجة كبيرة بسبب حديثها عن العلاقة بين الرجل والمرأة بعد الزواج، خلال حلقة أمس السبت من برنامجها “كلام الناس” الذي يعرض عبر قناة “MBC مصر”.
حيث قالت ياسمين: “قبل ما يجي بساعة الشعر يبقى مهفهف ومفلفح على كتفك.. ريحتك طيبة ولسانك طيب وأكل حلو.. بشاشة الوجه.. وحلو اللسان.. وطيب الأكل”.
وأضافت: “ما تكرريش نفسك بقى.. دايمًا عايزاكي متجددة اتجنني كل فترة.. دللي جوزك ودلعيه.. دايمًا عاكسيه وغازليه بالكلام.. قوليله كلام حب وغزل.. شوفي بتتفرجي على إيه وخدي منه كلام وقوليله.. قوليله يا أميري حلوة يا أميري.. مش بتحبي المسلسلات التركية.. دايمًا الراجل مراته تخليه طالع أمير راجع وزير.. يعني طالع أمير من كتر ما هو كده وراجع وزير.. كل ده بفضلك”.
وتابعت: “ده جوزك مش حد غريب.. دلعيه براحتك.. لما جوزك يقولك بلاش تكلمي الجارة دي أو الصاحبة دي تقوليله علم وينفذ بانتباه.. إجابة من غير سؤال وإجابة من غير كلام.. من غير مناهدة.. هو أكيد أدرى منك وأعلم منك وعارف مصلحتك”.
الست دى مش عايشه معانا على أرض الواقع
و اللَّهُ جدك بعريك ده متبرأ منك و من اللي جابوكي
ده الرسول اللي هو الرسول كان زوجاته بناديه بالنبي و الرسول بمحمد اشرف الخلق
جدك مين ده يا ابو جدك
اللهُمَّ لا تؤخذنا بما فعل السفهاء منا