حلت النجمة رانيا يوسف، ضيفة في حلقة أمس السبت، من برنامج “كلام الناس” الذي تقدمه الإعلامية ياسمين عز، ويعرض عبر قناة “MBC مصر”.
وتحدثت رانيا، عن طلاقها من زوجها الأول محمد مختار، حيث قالت: “أنا فاكرة كويس بنتي في أول جوازة.. في أول مع بابا البنات هي اللي فوقتني قالتلي مامي انتي ما بتبتسميش بقالي كتير ما بشوفكيش بتضحكي.. وهي يا حبيبتي كانت بتتنطط قدامي وعايزة تضحكني.. فأنا ببصلها وأنا مش المشهد ده كإنه امبارح.. فأنا ببصلها وبحاول اتفاعل معاها بس عضلات وشي مش قادرة.. الكلمة وجعتني أوي إن أنا حتى مش قادرة أمثل عليها إن أنا سعيدة.. ساعتها قولت لأ أنا مش سعيدة أنا مش هكمل”.
وأضافت: “بعد الطلاق الست من جواها بيبقى مش عادي بس من براها عايزة تبين إن هي مش موجوعة ودي الحيلة اللي بنلجألها وإحنا مكسورين أوي وعايزة تبيني للطرف الآخر إن انتي مش همك فبتبقي أوفر أوي.. مفيش ست وراجل بينكسروا بعد عشرة يا ستي ده انتي لما بتربي قطة وبتروح منك بتتوجعي فمش معقول جوزك اللي انتي عايشة معاه وأكيد في بينكوا ذكريات حلوة أو وحشة مجرد إحساس الانفصال أو الطلاق ده مش سهل على الراجل وعلى الست”.
وتابعت: “الفرق إن الست بتتوجع في الأول وتبقى عايزة تبين إنها سبع رجالة في بعض.. الراجل بيبين إن هو عادي وكول وكل حاجة بس بيتوجع بعد كده بشوية.. لما يقعد كده مع نفسه ويكون عك العكات واكتشف فجأة إن كل ده هبل وإنه ضيع ست كويسة أو هدم بيت كويس.. يبتدي يتوجع بعد شوية لما يقعد ويهدى ويفكر مع نفسه”.
