رانيا يوسف: كل واحد اتجوزني عايزني طول الوقت بالميكب والفستان والشعر.. وأنا ببقى لابسة لكلوك وزعبوط وقاعدة مأنتخة

كشفت الفنانة رانيا يوسف، خلال حلولها ضيفة في حلقة أمس السبت، من برنامج “كلام الناس” الذي تقدمه الإعلامية ياسمين عز، ويعرض عبر قناة “MBC مصر” عن مواصفات فتى أحلامها.

وقالت رانيا عن مواصفات الرجل الذي تريد الزواج منه: “المشكلة إن مفيش مواصفات ولا طلبات.. ما هي مش حسبة أول ما يحس إنه امتلك قلبك يبتدي يبقى هو اللي عايز يسوق الدفة.. على فكرة إحنا بنسوقها مع بعض بس هو ما بيفهمش كده”.

وأضافت: “لازم أحس إنه مش بيتعامل مع رانيا الفنانة دي مهمة جدًا لإنه كتير بيتخدعوا بالمظاهر زي ما بقولك.. عايزني طول الوقت بالميكب والفستان والشعر لأ رانيا في البيت ست لابسة لكلوك في الشتا وزعبوط وحاجات كده طبيعي مش عاملة شعري مش حاطة ميكب وقاعدة مأنتخة”.

وردًا على سؤال مقدمة البرنامج “لو واحد عايز يتجوز رانيا يوسف يقول هل أنا هجيب الشبكة الملايين المملينة ولا ممكن أعاملها كامرأة أتيسر معاها؟”، لتجيب الفنانة قائلة: “لو في المجتمعات الشرقية هيقولك أنا هعاملها كامرأة عادية ومش هجيبلها الشبكة.. وهيجي في الحتة دي يقولك أنا مش هجيب شبكة غالية بقى دي ست عادية.. ندخل ويتقفل علينا باب واحد.. يقولي الله انتي ليه مش لابسة الفستان إياه؟ ليه مش عاملة شعرك يعاملني كفنانة”.