وجهت الإعلامية ياسمين عز، من خلال حلقة أمس ببرنامجها “كلام الناس” الذي يعرض عبر قناة “MBC مصر” نصيحة للزوجات.
حيث قالت ياسمين، في الحلقة التي عرضت بالتزامن مع احتفالات رأس السنة: “بلاش وراجلك نازل جملة انت رايح فين.. يعني الجملة دي خلاص لغوها.. هيروح فين يعني؟ ما هو يا رايح يقعد ع القهوة مع صحابه يا رايح يزور أبوه أو مامته.. يا رايح يزور حد من أهله.. والله هو من نفسه حب يقولك رايح فين تمام ما قالش خلاص”.
وأضافت: “إحنا مالناش دعوة.. حسسيه إنك واثقة فيه وإن عنده المساحة الشخصية وإنه مش متراقب طول الوقت.. العبي دور الأم في حياته.. الراجل دايمًا يحب يسمع الدعوة الحلوة.. وانتي في الرايحة والجاية ادعيله.. ربنا يخليك لينا يا حبيبي.. ربنا يفتحها في وشك يا حبيبي.. ربنا ينصرك على مين يعاديك.. ربنا يكفيك شر الناس المؤذية.. ربنا ياخد من الناس ويديك”.
وتابعت: “كل الدعوات اللي انتي حافظاها في حياتك ادعيهاله.. انتي عارفة بعد لما تدعيله في يوم لو حصلتله أي حاجة حلوة عقله كده لا إراديًا هيترجمها إن ده بفضل دعواتك.. فهيحس إن هو بيتبارك بيكي وإن انتي بركة البيت”.
شكرا يا بركه على المعلومه بتعتك
المثل بيقول عشرت فلان لا يبقى ما تعرفوش
لما تبقى تتجوزى ابقى طبقى الكلام ده على جوزك و شوفى حينفع و لا لا بلاش فتى بقى
شكرا يا بركه على المعلومه الفصيحه بتعتك