حلت النجمة رانيا يوسف، ضيفة على الإعلامية ياسمين عز، في حلقة أمس السبت، في برنامجها “كلام الناس” الذي يعرض عبر قناة “MBC مصر”.
وأثارت رانيا، جدلًا واسعًا بسبب التصريحات التي أدلت بها حيث قالت: “يمكن أنا أقل واحدة بلبس ماركات لإني الحمد لله بشتغل على جسمي وعلى شكلي وعلى صحتى وعلى حياتي.. فالواحد لما بيلبس أقل حاجة وهو مظبط نفسه بتبان حلوة”.
وأضافت: “فيمكن أنا أقل واحدة بلبس ماركات وأقل واحدة بهتم بالماركات وأقل واحدة بتلبس ألماظات.. بس أحب لما أكون رايحة إيفنت معين أو عارفة إن أنا هتصور بطريقة معينة لازم أبقى لابسة كويسة وكله مظبوط لكن في الحياة العادية.. جينز وأي تيشيرت”.
وعن عدم حضورها لفعاليات مهرجان القاهرة السينمائي في دورته الـ 44، والتي أقيمت في شهر نوفمبر الماضي، قالت رانيا يوسف: “كان عندي تصوير.. والله كان عندي تصوير ولو ما كانش فيه تصوير كنت هروح طبعًا.. بس أنا من كتر ما كنا إحنا ساعتها بنصور فيلم التاروت وبنشتغل أكتر من 20 ساعة ما كانش عندي وقت لا أروح أعمل بروفة فستان ولا أنقي فستان مكانش عندي الوقت ده”.
