ياسمين عز للزوجات: بدل ما تقعدي تفتشي جيوب زوجك تشوفي معاه إيه، حطيله ورقة فيها كلمة حلوة أو بونبوناية
قامت الإعلامية ياسمين عز بتوجيه رسالة إلى الزوجات بمناسبة حلول السنة الجديدة، عن طريق برنامجها كلام الناس، والذي يتم إذاعته على قناة إم بي سي مصر.
وقد صرحت ياسمين عز قائلة: متبقيش زنانة ومتخليش سيرتكم زي اللبانة، الحاجة تطلبيها من جوزك مرة واحدة بس، لو عملها خلاص، معملهاش تستنى يومين وبعدين تفكريه تاني، وبلاش زن كتير.
وأضافت قائلة: الأسرار اللي بينكوا متخرجش برة البيت حتى لو مامتك، وأي سر عندك تقوليه لجوزك عادي، هو الفرعون الكبير مينفعش تخبي عليه أي سر، ولازم تصلحي علاقتك مع حماتك وأخواته، لانهم وقتها هيدافعوا عنك وهيكونوا عون ليكي.
وأكملت حديثها: بدل ما تقعدي تفتشي في جيوب زوجك تشوفي معاه إيه، حطيله ورقة فيها كلمة حلوة أو بونبوناية.
