تحدثت الإعلامية ياسمين عز، خلال حلقة أمس من برنامجها “كلام الناس” الذي يعرض عبر قناة “MBC مصر” عن الجُمل التي لا يجب أن تقولها المرأة لزوجها، والتي لا يحب أي زوج سماعها من زوجته في الصباح أثناء ذهابه إلى عمله.
حيث قالت: “كلمة أخيرة للستات اللي بتزهق جوزها وتخليه عايز يروح للي يسمع منها كلمة تقدير واحترام وحب ومحبة وود.. والنبي بقى بلاش جملة إيه بقى.. م البداية كده نلحق بعض.. بلاش جملة سيب فلوس قبل ما تنزل.. واطفي النور.. وخد كيس الزبالة معاك.. م الصبح كده قفلتيه”.
وأضافت: “أقولك على حاجة الراجل أحسن من الفلوس.. الراجل يجيب فلوس إنما الفلوس ما تجيبش راجل.. الراجل يعمل فلوس إنما الفلوس ما تعملش راجل.. جوزك يقدر يجيب فلوس.. الفلوس ما تجيبش جوز يا حبيبتي.. ياما ناس معاها فلوس ومعندهاش راجل”.
وتابعت: “إنه ليس المال إنه الشخص الرجل.. فأنا وراكوا والزمن طويل.. البرنامج ده موجود وإحنا فاتحينه عشان نقول الصح فمينعش أنا.. انتوا بتكئبوني”.
