ردت ياسمين عز، خلال حلقة أمس الجمعة من برنامجها “كلام الناس” الذي يعرض عبر قناة “MBC مصر” على سؤال البعض بشأن صوتها ووصفه بـ “السهتان”.
وأضافت: “شوفي يا روح قلبي يا حبيبة قلبي.. أنا صوتي شتوي.. خامته شتوية.. يعني إيه الكلام ده.. في أصوات شتوية وأصوات صيفية.. الصوت الشتوي ده بيكون زي صوتي كده.. ناعم ودافي نيمان سهتان أو نعسان شوية.. فخامته بتكون شتوية.. أما الصوت الصيفي بيكون صوت عالي شوية حاد مزهزه مصحصح طول الوقت وما بيفصلش ده بنسميه صوت خامته صيفية”.
وتابعت: “طيب هتسألوني دلوقتي وإيه النوع الأحلى الصوت الشتوي ولا الصوت الصيفي.. هقولكم وبدون انحياز وبكل تواضع إن طبعًا خامة الصوت الشتوي هي الأحلى قوليلي ليه هقولك ليه.. مش بس لإنه دافي وناعم لإن كمان لإنك أول ما بتحبي أو تتخطبي بتستعمليه وبتحولي صوتك لجزء من الثانية مع خطيبك في التليفون للصوت الشتوي وتقوليليه ألو أحمد ازيك عامله إيه.. ألو أحمد كلت ولا إيه.. بعد الجواز يرجع صوتك بقى لطبيعته وخامته الصيفية فبالتالي بيكون عالي وحاد وما بيفصلش وطبعًا الكلام ده لينا إحنا بس إنما الرجالة أحلى حاجة في الدنيا وإحنا عارفين ربنا خلقهم صوتهم خلاب وجذاب كائن الكروان يغرد ويرقرق ويزقزق خلي كروانك يغني وانتي اعزفي.. وبعدين إن شاء الله نعملكم حلقة عن الأحبال الصوتية ونعرف إيه الفرق بين باقي الأصوات”.
