ظهرت الفنانة زيزي عادل التي اعتزلت الفن، في برنامج كلام الناس، مع الإعلامية ياسمين عز، وكانت تحدثت زيزي عن تفاصيل اعتزالها الفن.
أبرز تصريحاتها بعد اعتزال الفن
قالت زيزي عادل: “الناس افتكرت إني اتحجبت ولكن دا كان سوء فهم لأني آخر حاجة قدمتها كان ألبوم ديني اسمه سيبها على الله ونزل في رمضان وكنت لابسة حجاب فيه”.
مضيفة:”اعتزلت لأني اكتشفت إني هاخد معايا أعمالي وبدأت أفكر إني مش مستعدة أقابل ربنا بـحياة المطربة، وكنت عايزة أحس إني مستعدة أقابل ربنا لأن محدش صغير على الموت”.
وأردفت:”الغناء فيه أسس لازم تتعمل علشان أكون مطربة منها إني أعمل فيديو كليب ويكون معايا موديل، وفي كذا حاجة غلط بتحصل، والفكرة كلها على بعضها حرام”.
وتابعت:” قرار اعتزالي من عند الله، وحسيت كأنه بعتلي وقالي سيبي الفن”.
مضيفة:” مش صح الست تتحجب عشان زوج لأنه يكون عن عدم اقتناع”.
وقالت زيزي:”بحب أسمع مصطفى حسني وعامله له متابعة من قبل ما أعتزل، ولما قابلته شخصيا ارتحت وناس كتير حسدتني على المقابلة دي”.
علاوة على ذلك قالت:”لو رجع بيا الزمن أكيد مكنتش هروح برنامج ستار أكاديمي، عشان دلوقتي بعد تغيير فكري وتقربي من ربنا يخليني أقول إن كان فيه حاجات كتير مكنش المفروض أعملها.
وأخيراً أضافت:” ستار أكاديمي كبرنامج فكرته لا تناسب تقاليد مجتمعنا، كان فيه كاميرات في كل مكان، حتى الحمامات كان فيها كاميرات عند المرايات”.
