قامت الفنانة المعروفة فريدة سيف النصر، بتوجيه رسالة لجمهور الفنانة منة شلبى في أزمتها، وطالبت إياهم بالرأفة بها وعدم توجيه أى كلام قاسى في محنتها التى تمر بها في الوقت الحالى، واتهامها بحيازة جوهر الحشيش المخدر بهدف التعاطى بعد أن تم القبض عليها بمطار القاهرة، وإحالتها إلى محكمة الجنايات، حيث تم تحديد موعد أُولى جلسات الحكم عليها يوم 5 يناير القادم.
وقامت الفنانة، بكتابة منشور من خلال حسابها الرسمى على موقع التواصل الاجتماعى “فيس بوك”، وعلقت:ـ “منة شلبى.. منة الله قلبى عندك يابنتى.. كل مرة بقرأ خبر.. لنا الرأفة والرحمة منك يارب، والبوست ده بيسألك إيه اللى في عقلك عشان تكتبيه، والحقيقة هو مش في عقلى وبس هو في قلبى وروحى، ومشكلتى إنى مش بعرف أسكت ربنا خلقنى كده وتربية أُمى لوزة”.
وتابعت سيف النصر:ـ “فى الأول هطلب من جمهور منة الجدعنة المصرى، والكلمة اللى بتأثر واللى بيسموها الرأى العام، وحقيقى الفنان منا لما بيبقا في محنة بيبقا محتاجكم علشان إنتوا اللى عملتوه بعد ربنا، وكمان هو بيبقا على أعصابه خايف على زعلكم وعاوز يرضيكم، وأنا دلوقتى بطلب منكم بلاش قسوة وغلاوة سيدنا النبى عندكم، وياريت تفتكروا لها حاجة حلوة زى مشهد ضحككم أو رواية كانت واقعية.. خلوا الحب الى جواكم يهدى مش يثور”.
وقالت فريدة:ـ “أيوة بنغلط كلنا بغلط إحنا بشر، وفينا اللى بيكمل في غلطه ومنا اللى بيرجع من الاول وفينا اللى بيغرق منهم لله، وكمان الأفاعى إتلموا حواليها، ومنا اللى قدوته بهدلته وعقدته من حياته الحلوة، وده علشان هو جواه حياة شافها يتمنى إنه ما يفتكرهاش بس مش هيقدر، ومش هيصدق إن الناس بتنسى وأكيد كل واحد فينا جواه آلم مش عاوز يفتكره ولا أى شخص يفكروا بيها، وإيه رأيكم بقا لو كان مشهور نصيبه كده.. ياريت محدش يبص على الإبتسامة.. ياريت الناس تبص على العين وإن كان فيها دمعة ولا لأ “.
وأنهت الفنانة:ـ “العين دى مش شايفة الناس بتبص لها إزاى باعجاب، وكمان حب هى شايفاه فقط، وفى حالة مكنتش تتمنى تكون هى دى حياتها، ولا تقدر تتخلى عن أقرب الناس ليها.. مشاعرها مُتضاربه تحسسه بإنه قليل وهو مش عارف إنه مهم وماضية ميهمش حد، والصراع ده بيخليه يهرب ويهاجر ويغير كل اللى حواليه ويبدأ من جديد”.
