شيرين رضا عن زفاف ابنتها: إحنا معندناش أفراح ومش بنؤمن بالحاجات دي.. وأنا عمري ما لبست فستان أبيض
أثارت الفنانة شيرين رضا، ضجة كبيرة بسبب تصريحاتها حول زفاف ابنتها نور عمرو دياب، والتي أدلت بها في حوارها مع برنامج “ET بالعربي” الذي يعرض عبر قنوات “mbc”.
وقالت شيرين: “هتتجوز أه أكيد هي مخطوبة دلوقتي.. إحنا معندناش الأفراح لإن إحنا لا نؤمن بهذه الأشياء.. أنا عمري ما لبست فستان فرح لبست في التمثيل بس ما لبستش في الحقيقة”.
وأضافت: “طبعًا كل واحد حر يعمل اللي هو عايزه.. هي مش كده وأنا مش كده إحنا ما اتربناش كده.. دي أفكار شخصية يعني أنا بشوف الحفلة الكبيرة دي فلوسها كتير أوي أوي أوي فليه هما ما يستمتعوش بالحاجات دي أكتر من فستان الفرح اللي بالشيء الفلاني والقاعة اللي بالشيء الفلاني كل ده عشان ليلة واحدة طب ما ممكن ياخدوا الفلوس دي يستمتعوا بيها أكتر”.
وتابعت: “هي مش عايزة تعمل فرح وأنا عمري ما كنت عايزة أعمل فرح.. وهنشوف لسه إحنا لسه ما حددناش حاجة بس هو في الآخر اللي هيحصل حاجة صغيرة أوي.. المهم إن هي وجوزها وأهله وأهلها اللي يفرحوا وأصدقائهم القريبين.. إنما نجيب بقى الناس اللي شوفناهم السنة اللي فاتت والناس اللي شوفناهم السنة اللي قبل اللي فاتت ولازم نعزمهم عشان دي ما تزعلش ويجوا وينتقدونا لأ ده مش هيحصل”.
الجدير بالذكر أن الفنانة شيرين رضا، شاركت في الموسم الرمضاني لعام 2022 بمسلسل “شغل عالي”.
“شغل عالي” بطولة: فيفي عبده، وشيرين رضا، ومحمد رضوان، وفريد النقراشي، ومحمد مرزبان، وأحمد عبد الله محمود، وعزة مجاهد، وسليمان عيد، وفراس سعيد، وصبري عبد المنعم، وأحمد بسيم، وأحمد جمال سعيد، وساندي مراد، وتوني ماهر، وبسمة داود، وكريم سرور، ورشا بن معاوية، ومروان يونس، وهيثم سعيد، وأمينة مغربي، ومارتينا عادل، وإنجي كيوان، وبسنت النبراوي، ومن تأليف: حسين مصطفى محرم، وإخراج: مرقس عادل.
والله اول نره تقولى حاجه صح