تصدرت الفنانة حنان شوقي محركات البحث في الساعات الأخيرة بعد التصريحات الخاصة بها في برنامج كلام الناس المذاع عبر شاشة mbc مصر.
وقالت حنان شوقي خلال لقائها أمس الأحد: “الزواج فيه كل أسماء الله الحسنى، لأن الحالة الزوجية فيها الود من الودود، والرحمة من الرحمن، والحنان من اسم الحنان المنان، الواحد في حالة الزواج الرجل وزوجته لا ينفصلوا لأنها منه”.
وتابعت:”أنا حسيت ده كله ولقيت إن الزواج عملية جامدة جدًا وأنا بحبها وحساها جوايا، ولو محبتها في الحياة بجد يبقى قلتها أحسن، وأنا لازم أبوس إيد جوزي وأقوله عايز حاجة مني”.
مضيفة:”أنا كتلة حب متحركة على الأرض، وأنا حياتي كلها حب وقلبي مش بينبض غير بالحب”.
وقالت:” بحب دايمًا لما جمعية خيرية تكلمني مدام حنان تجيلنا في العيد تعيدي ع الأطفال أقولهم طبعًا من عينيا.. يعني مثلًا محمود وحيد بتاع مؤسسة إنقاذ إنسان كلمني وقالي حنان كنت اتعرفت عليه في مؤتمر في سوهاج.. فبيقولي حنان لو كلمتك في العيد تيجي تعيدي ع الناس قولتله طبعًا يا محمود فروحت”.
مضيفة حنان: “أنا أول ما روحت.. في ولد رشق في قلبي رشق.. وحسيت إن هو شبهي حسيت إن هو إبني.. وبعدين بعمله كده لقيته دخل في حضني.. بعدين بقوله يا محمود مين؟ فقالي القصة بتاعته صعب عليا الولد أوي قمر وطفل وعنده عزة وشكله ابن ناس.. صعب عليا وكنت بفكر اخده.. فقالي للأسف والدته عايشة ووالده عايش”.