حرص الكاتب والسيناريست المعروف تامر حبيب، على حضور فاعليات ثالث أيام مهرجان القاهرة السينمائى الدولى في دورته الـ 44، وذلك بعد أزمته حول تصريحات المخرجة إيناس الدغيدى، والتى صرحت بها منذ عدة أيام، وظهر تامر حبيب على الريد كاربت بالمهرجان، ويلتف حوله الكثير من الجمهور، والذين حرصوا على إلتقاط الصور معه.
ومن جانبه، فإن تصريحات المخرجة المعروفة إيناس الدغيدى عن السيناريست تامر حبيب أثارت الكثير من الجدل من خلال وسائل التواصل الاجتماعى أثناء الفترة القليلة الماضية، وذلك بعد أن كشفت عن رأيها في تامر، وعلقت قائلة:ـ “كلنا عارفين بس مكنش في حد بيتكلم في حاجة، وده علشان إحنا ملناش دعوة، واللى كان مهم بالنسبة لينا نوع علاقتك بالشخصية”.
وتابعت المُخرجة:ـ “وبجد أنا كنت بحاول أبعد الكلام عن تامر أكتر من مرة، ومع كل ده أنا قابلت شخصيات كتير خلال فترة عملى بالفن ليهم ميول مُختلفة، ولكن ده مكنش بيتعارض مع علاقتى بيهم”.
وتحدثت إيناس عن الجدل حول تصريحاتها، وذلك أثناء مداخلة هاتفية في أحد البرامج التليفزونية، وقالت:ـ “أنا مش بعايب على تامر، وده علشان هو حبيبنا كلنا، وكمان الكل بيحترمة على المستوى الشخصى والمهنى، لأنه إنسان محترم ومُبهج وإحنا أصحاب”.
وأنهت الدغيدى المكالمة قائلة:ـ “أنا ضريت تامر من دون قصد، وكمان هو إتصل عليا وقالى أنا عارف إنك مش قاصدة بس شوفى رواد السوشيال ميديا عملوا إيه؟، والوضع بقى بايخ ودمه تقيل، وهو دلوقتى في حالة نفسية سيئة للغاية، وهو له حق كبير علشان الهجوم عليه كانت كبيرة وخصوصاً لما تكون حاجة خاصة بالأخلاق بتزعل”.
