قالت الفنانة المصرية شيرين عبد الوهاب، إنه تم عقد قرانها من جديد على زوجها السابق المطرب حسام حبيب.
وأضافت شيرين خلال مداخلة هاتفية لبرنامج الحكاية الذي يقدمه الإعلامي عمرو أديب على شاشة mbc masr “كتبنا الكتاب أمس الخميس في الساعة التاسعة مساء بحضور أقرب المقربين لينا أخواتنا. حسام طيب جدا. كفاية أمور شخصية وأنا عايز اقفل الصفحة دي مع حضرتك النهاردة”.
وتابعت “حسام مقنع جدا.. بعتذر لحسام عن كل ما بدر مني. النهاردة عايز أقفل صفحة حياتي الخاصة مع الناس، وعايز أقول للناس إدعولي. عايز أطمنهم عليا وأنا في عصمة راجل طيب جدا.. إحنا كان معمول لينا حاجة كبيرة أوي والحمد لله ربنا فكها بسلام”.
وشددت “أشكر صحافة بلدي والوطن العربي، قررت التنازل عن كل القضايا ضد شقيقي محمد عبد الوهاب، مقدرش أعمل كده. أنا شيرين اللي قلبها متسامح وهفضل كده.. أنا معرفش أحب بسهولة وأنسى بسهولة.. أنا في أمان عشان أنا وسطكوا”.
وتابعت “أنا زي البمب وحلوة خالص، أنا في حالة جيدة للغاية، لا زالت أخضع لعلاج نفسي، الحمد لله لست بحاجة في الوقت الحالي لأدوية أو رعاية طبية”.
وأوضحت “ممتنة جداً لكل من اهتم بي وانشغل بأحوالي، عمري ما هخذلكم، أشكر كل الناس من قال كلمة طيبة ومن قال كلمة سيئة، شكرًا لكل من تذكرني ولو بكلمة”.
ونوهت “الأيام في المستشفى لأنني اتاخدت على خوانة. لما صحيت تاني يوم من المستشفى قولت لنفسي أنا قاعدة في مكان أمين جداً وكل الناس بتحبني وخايفة عليا وبأكل وبنام أحسن نومة.. إيه المانع أني مستفدش بهذا الوقت وأحصل على قسط من الراحة”.
وقالت شيرين “عسى أن تكرهوا شيئا وهو خير لكم.. أنا في الحقيقة أشكر شقيقي محمد عبد الوهاب لأنه عرفني بهذه المستشفى المحترمة لأنهم راعوني بشكل كبير وعلموني أنام بدري وأصحى بدري، بقيت أصحى الساعة 9 يا أستاذ عمرو.. الحياة بقت جميلة جداً ولذيذة”.
